गुजरातमध्ये सात वेळा भूकंपाचे धक्के!

Earthquake tremors in Rajkot गुजरातमधील राजकोट जिल्ह्यातील जेतपूर, धोराजी, उपलेटा आणि आसपासच्या ग्रामीण भागात शुक्रवारी सकाळी भूकंपाचे अनेक धक्के जाणवले. लोक घाबरून घरे सोडून शेतांकडे धावले, परंतु सुदैवाने कोणतीही जीवित किंवा वित्तहानी झाली नाही. भूकंपशास्त्रीय संशोधन संस्थेच्या (ISR) अहवालानुसार, सकाळी ६:१९ वाजता ३.८ तीव्रतेचा भूकंपाचा सर्वात मोठा धक्का आला. त्यानंतर सकाळी ६:५६ वाजता २.९, ६:५८ वाजता ३.२, ७:१० वाजता २.९, ७:१३ वाजता २.९, ७:३३ वाजता २.७ आणि ८:३४ वाजता आणखी एक हलका भूकंप जाणवला. या सलग सात धक्क्यांमुळे परिसरात भीती पसरली होती.

 

 

 

आयएसआर अहवालानुसार, या सर्व भूकंपांचे केंद्र उपलेटापासून २७ ते ३० किलोमीटर पूर्व-ईशान्य अंतरावर होते, तर भूकंपांची खोली ६.१ ते १३.६ किलोमीटर दरम्यान होती. यापूर्वी, काल रात्री ८:४३ वाजता या भागात ३.३ तीव्रतेचा भूकंप नोंदवला गेला होता. स्थानिक प्रशासन परिस्थितीवर बारकाईने लक्ष ठेवत असून, नागरिकांना सुरक्षित राहण्याचे आवाहन केले आहे.