"आम्ही झुकणार नाही," निदर्शनांच्या दरम्यान खामेनी यांनी अमेरिकेला दिला मोठा इशारा

khamenei-warning-to-us इराणचे सर्वोच्च नेते अयातुल्ला अली खामेनी यांनी शुक्रवारी सांगितले की, अशांतता सुरूच असल्याने आणि पाश्चात्य देशांसोबत तणाव कायम असल्याने, इस्लामिक रिपब्लिक परदेशी शक्तींसाठी "भाडोत्री" म्हणून काम करणाऱ्या व्यक्तींना सहन करणार नाही. खामेनी यांनी अमेरिकेचे राष्ट्राध्यक्ष डोनाल्ड ट्रम्प यांनाही लक्ष्य केले आणि त्यांना त्यांच्याच देशातील समस्यांवर लक्ष केंद्रित करण्याचे आवाहन केले. राष्ट्राला संबोधित करताना, अयातुल्ला खामेनी यांनी इशारा दिला की इराण परकीय समर्थित कार्यकर्त्यांना (दहशतवादी एजंट) सहन करणार नाही आणि कोणत्याही परकीय दबावापुढे झुकणार नाही.

 

 

खामेनी म्हणाले, "आपल्या देशातील काही दंगलखोर सार्वजनिक मालमत्तेचे नुकसान करून अमेरिकन राष्ट्राध्यक्षांना खूश करण्याचा प्रयत्न करीत आहेत. अशा परिस्थितीत डोनाल्ड ट्रम्प यांनी स्वतःच्या देशाची काळजी करावी, कारण इराण कोणत्याही परकीय दबावापुढे झुकणार नाही." खामेनी यांनी इराणच्या तरुणांना आवाहन करत म्हटले आहे की, "देशात एकता राखा आणि कोणत्याही परिस्थितीला तोंड देण्यासाठी तयार राहा, कारण एकजूट राष्ट्र कोणत्याही शत्रूला पराभूत करू शकते. आपल्या देशाचे आणि लोकांचे रक्षण करणे हे आक्रमक कृत्य नाही तर साम्राज्यवादाच्या तोंडावर सर्वात मोठे धैर्य आहे." खामेनी यांनी देशात होत असलेल्या निदर्शनांचे वर्णन परकीय षड्यंत्र म्हणून केले आणि म्हटले की हे सर्व अमेरिका आणि इस्रायलशी जोडलेल्या एजंटांचे काम आहे. वृत्तसंस्थानुसार, खामेनी यांनी ट्रम्पवर निशाणा साधत म्हटले आहे की, "निदर्शक दुसऱ्या देशाच्या राष्ट्राध्यक्षांना खूश करण्यासाठी स्वतःचे रस्ते उद्ध्वस्त करत आहेत. khamenei-warning-to-us यापेक्षाही कठोर शब्दांत इशारा देण्यात आला असून, असे प्रकार सुरू राहिल्यास त्याचे गंभीर परिणाम भोगावे लागतील, असा स्पष्ट इशाराही खामेनी यांनी दिला.