एस. जयशंकर न्यूयॉर्कला गाडीने का पोहोचले? ६७० किलोमीटरचा बायरोड प्रवास

s-jaishankar-reach-new-york-by-car अमेरिकेतील सरकारच्या शटडाऊनमुळे देशभरातील व्यावसायिक उड्डाणे बंद पडल्यामुळे भारताचे परराष्ट्र मंत्री एस. जयशंकरांना संयुक्त राष्ट्रांचे सरचिटणीस अँटोनियो गुटेरेस यांची भेट घेण्यासाठी सुमारे ६७० किलोमीटर रस्त्याने प्रवास करावा लागला. ही माहिती अमेरिकेच्या परराष्ट्र विभागाने प्रसिद्ध केलेल्या अहवालात समोर आली आहे. सप्टेंबरमध्ये अमेरिकेतील शटडाऊन दरम्यान उड्डाणे रद्द झाल्यामुळे, नियोजित बैठकीवर कोणताही परिणाम होऊ नये म्हणून अमेरिकी सुरक्षा संस्थांनी जयशंकर यांचा रस्त्याने न्यूयॉर्कपर्यंतचा प्रवास सुनिश्चित केला.

 

 

यूएस डिप्लोमॅटिक सिक्युरिटी सर्व्हिस (डीएसएस) एजंट्सनी कॅनडा-अमेरिका सीमेवरील लेविस्टन-क्वीन्स्टन ब्रिजवर परराष्ट्रमंत्र्यांचे स्वागत केले. यानंतर मॅनहॅटनपर्यंत जवळपास सात तासांचा रोड ट्रिप पार पडला. या सुरक्षित प्रवासात एकूण २७ सुरक्षा एजंट सहभागी होते. यात डिप्लोमॅटिक सिक्युरिटी सर्व्हिसच्या डिग्निटरी प्रोटेक्शन डिव्हिजन, न्यूयॉर्क व बफेलो फील्ड ऑफिसमधील अधिकारी समाविष्ट होते. स्थानिक सुरक्षा पथकांना बळकटी देण्यासाठी काही एजंट वेगवेगळ्या वाहनांतूनही प्रवास करत होते. अहवालानुसार, भारताचे संयुक्त राष्ट्र मिशन, कॅनडाचे रॉयल कॅनेडियन माउंटेड पोलिस (आरसीएमपी) आणि अमेरिकन सीमा अधिकारी यांच्यात जवळचा समन्वय राखण्यात आला होता. s-jaishankar-reach-new-york-by-car सीमेवर औपचारिक हस्तांतरणानंतर अमेरिकन एजन्सींनी संपूर्ण सुरक्षा जबाबदारी स्वीकारली. हा तपशीलवार अहवाल यूएस डिप्लोमॅटिक सिक्युरिटी सर्व्हिसने ३० डिसेंबर रोजी नोंदवला आणि ८ जानेवारी रोजी सार्वजनिक केला. अहवालात नमूद आहे की, हवाई प्रवास शक्य नसल्यास रस्त्याने प्रवास हा सुरक्षित आणि व्यावहारिक पर्याय मानला जातो.