रणवीर-दीपिकाच्या धाकट्या लेकीचे नाव ‘देवी’

ranveer singh and deepika padukone बॉलिवूडमधील लोकप्रिय जोडी रणवीर सिंग आणि दीपिका पादुकोण यांनी दसऱ्याच्या शुभ मुहूर्तावर चाहत्यांना आनंदाची बातमी दिली आहे. या दाम्पत्याने आपल्या धाकट्या मुलीची पहिली झलक सोशल मीडियावर शेअर करत तिचे नावही जाहीर केले. या पोस्टनंतर चाहत्यांनी शुभेच्छा आणि अभिनंदनाचा वर्षाव केला आहे.

 

 

काही महिन्यांपूर्वी दुसऱ्यांदा आई-बाबा झालेल्या रणवीर आणि दीपिकाने आपल्या कुटुंबातील खास क्षण चाहत्यांसोबत शेअर केला. छायाचित्रात त्यांची मोठी मुलगी दुआ आपल्या लहान बहिणीचे प्रेमाने चुंबन घेताना दिसते, तर दीपिकाच्या हातात धाकटी मुलगी आहे. मोठ्या मुलीचे नाव ‘दुआ’ ठेवल्यानंतर आता धाकट्या लेकीचे नाव ‘देवी’ असे ठेवण्यात आले आहे. दोन्ही मुलींच्या नावांची सोशल मीडियावर चर्चा रंगली आहे.

एप्रिल महिन्यात रणवीर आणि दीपिकाने दुसऱ्यांदा पालक होणार असल्याची घोषणा केली होती. त्यानंतर १९ सप्टेंबर २०२६ रोजी दीपिकाने मुलीला जन्म दिला. सध्या हे दाम्पत्य आपल्या दोन्ही मुलींसोबत वेळ घालवत कौटुंबिक आयुष्याचा आनंद घेत आहे.दरम्यान, दीपिका लवकरच शाहरुख खानसोबत ‘किंग’ या चित्रपटातून प्रेक्षकांच्या भेटीला येणार आहे. रणवीर सिंगही आगामी प्रकल्पांमुळे चर्चेत आहे. ‘रामलीला’, ‘बाजीराव मस्तानी’ आणि ‘पद्मावत’ यांसारख्या चित्रपटांतून प्रेक्षकांची पसंती मिळवलेल्या या जोडीला त्यांच्या वैयक्तिक आयुष्यातील आनंदाच्या क्षणांमुळेही चाहत्यांकडून भरभरून प्रेम मिळत आहे.