अमिताभ बच्चन यांचा खास संदेश आजही जपून ठेवला

sonali kulkarni अभिनेत्री सोनाली कुलकर्णी विविध कारणांमुळे चर्चेत असते. अभिनयासोबतच तिची स्पष्ट मते आणि सामाजिक विषयांवरील भूमिका यांचीही चर्चा होत असते. नुकत्याच दिलेल्या एका मुलाखतीत सोनालीने बॉलिवूडमधील आपल्या जवळच्या मित्रांविषयी सांगतानाच महानायक अमिताभ बच्चन यांच्याशी संबंधित एक खास आठवणही उलगडली.

 

 

सोनालीच्या मते, आमिर खान, उर्मिला मातोंडकर आणि ऐश्वर्या राय यांसारखे कलाकार तिचे जवळचे मित्र आहेत. मात्र, अमिताभ बच्चन यांच्याबद्दल तिच्या मनात विशेष आदर आणि आपुलकी आहे. ती त्यांची मोठी चाहती असून, त्यांच्याकडून आलेला एक संदेश आजही तिने जपून ठेवला आहे.

अमिताभ बच्चन यांच्या ‘102 Not Out’ या चित्रपटाने सोनालीला विशेष प्रभावित केले होते. चित्रपट आवडल्यानंतर तिने अमिताभ यांच्यासाठी खास पदार्थ बनवून पाठवला होता. त्यासोबत एक चिठ्ठीही दिली होती. त्यानंतर अमिताभ बच्चन यांनी तिला संदेश पाठवून प्रतिसाद दिला. त्या संदेशाची आठवण सोनालीसाठी आजही मोलाची आहे.

याच संदेशामुळे तिने आपला जुना मोबाइल फोन विकलेला नाही. त्या फोनमध्ये अमिताभ बच्चन यांनी पाठवलेला संदेश असल्याने तो फोन तिने आजही स्वतःकडे जपून ठेवला आहे. या छोट्याशा वस्तूशी जोडलेली आठवण तिच्यासाठी किती महत्त्वाची आहे, हे तिच्या वक्तव्यावरून स्पष्ट होते.

दरम्यान, पुण्यातील विद्यानंद बापट यांनी डीजेला विरोध केल्यानंतर त्यांच्यावर टीका झाली होती. त्या वेळी सोनाली कुलकर्णी त्यांच्या समर्थनार्थ पुढे आली होती. तिने समाजमाध्यमांवर पोस्ट शेअर करत बापट यांचे कौतुक केले आणि जागरूक नागरिकाची व्याख्या नव्याने मांडल्याचे म्हटले होते. त्यामुळे सोनालीच्या या भूमिकेचीही चर्चा झाली होती.