कौतुकास्पद! आंतरराष्ट्रीय स्तरावर दमदार पदार्पण

Alia Bhatt आणि Nikhil Madhok यांच्या उपस्थितीत १२ फेब्रुवारी रोजी लंडनमध्ये झालेल्या ‘Prime Video Presents: International Originals’ या विशेष कार्यक्रमात Don't Be Shy ने सगळ्यांचे लक्ष वेधून घेतले. या कार्यक्रमात सादर केलेला हा एकमेव भारतीय चित्रपट होता, ज्याने आंतरराष्ट्रीय प्रेक्षकांमध्ये उत्सुकता निर्माण केली आहे.

 

 

चित्रपटाचे कथानक २० वर्षांच्या श्यामिली ‘शाय’ दासच्या जीवनाभोवती फिरते. स्वतःच्या आयुष्याचे नियंत्रण राखणारी शाय एका अनपेक्षित वळणामुळे नव्याने जगण्याची आणि नातेसंबंध समजून घेण्याची संधी मिळवते. तिचा भावनिक, वैयक्तिक आणि नातेसंबंधांचा प्रवास प्रेक्षकांसमोर खुलतो.

 

 

आलिया भट्टने महिला पात्रांविषयी सांगितले की, “ताकदीच्या आणि प्रभावी महिला पात्रांकडे नैसर्गिक कल असतो. मात्र या चित्रपटात दोन पुरुष पात्रांकडेही वेगळ्या आणि ताज्या दृष्टिकोनातून सादरीकरण केले आहे, ज्यामुळे कथा अधिक समतोल आणि आकर्षक बनली आहे.”दिग्दर्शक Sreeti Mukherji यांच्या स्वतंत्र शैलीमुळे चित्रपटाला वेगळी ऊर्जा मिळाली आहे. ‘Prime Video India’चे डायरेक्टर Nikhil Madhok यांनी सांगितले की, ‘फीमेल-फर्स्ट’ कथानकांना प्रोत्साहन देणे आणि सक्षम, निर्णयक्षम महिला पात्रांना प्रेक्षकांसमोर आणणे हे त्यांचे ध्येय आहे. तसेच कॅमेऱ्यासमोर आणि मागे नव्या प्रतिभेला संधी देणे हीसुद्धा महत्त्वाची बाब आहे.‘डोंट बी शाय’ या चित्रपटाची निर्मिती Eternal Sunshine Productions आणि आलिया भट्ट, शाहीन भट्ट, ग्रिश्मा शाह आणि विकेश भुतानी यांच्या सहकार्याने साकारली आहे. लेखन आणि दिग्दर्शन स्रीती मुखर्जी यांनी केले असून, कथा, व्यक्तिरेखा आणि मांडणीमध्ये नव्या पिढीचा आत्मविश्वास आणि भावनिक प्रामाणिकपणा जाणवतो. हा आगामी ओरिजिनल चित्रपट प्राइम व्हिडिओवर भारतासह २४० हून अधिक देश आणि प्रदेशांमध्ये विशेष प्रीमियर होणार असून, महिला दृष्टिकोनातून सांगितलेली तरुणाईची ही कथा जागतिक प्रेक्षकांपर्यंत पोहोचणार आहे.