हार्दिकचे गर्लफ्रेंडसोबत फिरणे बीसीसीआयला खुपले?

Hardik's outing with his girlfriend भारत आणि पाकिस्तान यांच्यातील टी-२० सामन्यात भारताने कोलंबोमध्ये ६१ धावांनी विजय मिळवला. पाकिस्तानने नाणेफेक जिंकून प्रथम गोलंदाजी करण्याचा निर्णय घेतला होता. भारताने फलंदाजी करताना १७५ धावा केल्या, तर पाकिस्तान ११४ धावांवर समेटला गेला. मात्र या सामन्यातल्या एका घटनेने चाहत्यांचे लक्ष वेधले आहे. टी-२० विश्वचषक २०२६ दरम्यान भारतीय संघासाठी बीसीसीआयने आपला कडक नियम कायम ठेवला आहे. मीडिया रिपोर्टनुसार, सूर्यकुमार यादवच्या नेतृत्वाखालील संघाने खेळाडूंना त्यांच्या कुटुंबीयांसह किंवा गर्लफ्रेंडसोबत फिरण्याची परवानगी देण्याची मागणी केली होती, परंतु बीसीसीआयने ती फेटाळून लावली. बोर्डाने स्पष्ट केले की खेळाडूंना पत्नी किंवा गर्लफ्रेंड संघासोबत राहण्याची परवानगी नाही; हवे असल्यास त्यांना स्वतंत्र व्यवस्था करावी लागेल.

 

 

 

 

 

 

या नियमांचे उल्लंघन हार्दिक पंड्याने केल्याचे सांगितले जात आहे. पाकिस्तानविरुद्ध सामन्यानंतर हार्दिक त्याच्या गर्लफ्रेंड माहिका शर्मासोबत दिसला, ज्याचे व्हिडिओ सोशल मीडियावर मोठ्या प्रमाणात व्हायरल झाले आहेत. बोर्डाच्या मार्गदर्शक तत्वांनुसार, हार्दिकची गर्लफ्रेंड टीमच्या हॉटेलमध्ये दिसली, यामुळे हार्दिकवर टीका होत आहे. काहींनी नियमांचे उल्लंघन केल्याबद्दल त्याच्यावर टीका केली तर काहींनी बोर्डवरच आरोप केले की कडक नियम पाळले जात नाहीत. हार्दिक आणि माहिका स्वतंत्र व्यवस्था करून राहतात, तरीही त्यांचा संघासोबत फिरण्याचा व्हिडिओ चर्चेत आला आहे. या घटनेमुळे वाद निर्माण झाला आहे. भारतीय संघ आता भारतात नेदरलँडविरुद्ध सामना खेळणार असून, तो अहमदाबादच्या नरेंद्र मोदी स्टेडियमवर होईल.