नीना गुप्ता यांचे खळबळजनक विधान चर्चेत

Neena Gupta बॉलिवूड अभिनेत्री Neena Gupta या सध्या त्यांच्या ‘वध २’ चित्रपटामुळे चर्चेत आहेत. स्पष्टवक्तेपणा आणि सामाजिक मुद्द्यांवर निर्भीड मत मांडण्यासाठी ओळखल्या जाणाऱ्या नीना गुप्ता यांनी नुकत्याच दिलेल्या मुलाखतीत मुलींच्या वर्जिनिटीच्या मुद्द्यावर भाष्य केले असून त्यांचे वक्तव्य सोशल मीडियावर मोठ्या प्रमाणात व्हायरल होत आहे.

 

 

नीना गुप्ता या अलीकडेच पत्रकार शुभंकर मिश्रा यांच्या पॉडकास्टमध्ये सहभागी झाल्या होत्या. या संवादादरम्यान त्यांनी लग्नसंस्था, मुलगा-मुलगी यांच्याबाबतच्या सामाजिक अपेक्षा आणि बदलत्या मानसिकतेवर स्पष्ट मत व्यक्त केले. “मुलांना लग्नासाठी वर्जिन मुलगी हवी असते. लग्नाचा विचार करताना पुरुष अजूनही हेच शोधतात. त्यांना अशी स्त्री हवी असते जी कुटुंबात सहज सामावून जाईल. सुरुवातीपासूनच हीच मानसिकता आहे आणि आजही फारसा बदल झालेला नाही,” असे त्या म्हणाल्या.

संभाषणादरम्यान Neena Gupta सूत्रसंचालकांनी समाजात बरेच बदल झाल्याचे मत व्यक्त केले असता नीना गुप्ता यांनी त्याला प्रतिप्रश्न केला. “इतके काय बदलले आहे? कोण म्हणते की सर्व काही खुले झाले आहे? तुम्ही कोणत्या भारताबद्दल बोलत आहात? अजूनही अनेक घरांत सुना पदराने डोके झाकतात आणि सकाळी सासऱ्यांचे पाय स्पर्श करतात,” असे त्या म्हणाल्या. त्यांच्या या वक्तव्याने पारंपरिक विचारसरणी आणि आधुनिकतेतील तणाव पुन्हा एकदा चर्चेत आला आहे.

 

 

याच वेळी त्यांनी Neena Gupta आपल्या कुटुंबातील एक अनुभवही सांगितला. एका नातेवाईक महिलेने सासरी राहण्यास नकार दिल्यामुळे निर्माण झालेल्या परिस्थितीचा उल्लेख करत त्यांनी सांगितले की धार्मिक आणि सांस्कृतिक अपेक्षांमुळे महिलांवर अजूनही बंधने येतात. “आम्हाला अजूनही खूप काही बदलायचे आहे,” असे त्या म्हणाल्या.दरम्यान, नीना गुप्ता यांचा वध २ हा चित्रपट ६ फेब्रुवारी रोजी प्रदर्शित झाला आहे. या चित्रपटात Sanjay Mishra, Kumud Mishra आणि Akshay Dogra यांच्या प्रमुख भूमिका आहेत. ‘वध’चा पहिला भाग २०२२ मध्ये प्रदर्शित झाला होता आणि त्याला प्रेक्षकांकडून सकारात्मक प्रतिसाद मिळाला होता.नीना गुप्ता यांच्या वक्तव्यामुळे सोशल मीडियावर विविध प्रतिक्रिया उमटत असून काहींनी त्यांच्या मताशी सहमती दर्शवली आहे, तर काहींनी त्यावर टीका केली आहे. मात्र, सामाजिक वास्तवावर थेट भाष्य करण्याची त्यांची शैली पुन्हा एकदा चर्चेचा विषय ठरली आहे.