नऊ वर्षांचा मुलगा तुमच्या अटी वाचेल का?

Court question to Zuckerberg इंस्टाग्राम आणि फेसबुकच्या कंपनी मेटाचे प्रमुख मार्क झुकरबर्ग लॉस एंजेलिसच्या न्यायालयात थेट ज्युरीसमोर उभे राहावे लागले. या सुनावणीत न्यायालयाने त्यांना मुलांवरील व्यसन आणि वय पडताळणीच्या पद्धतींबाबत कठीण प्रश्न विचारले. न्यायालयाने विचारले की, मेटाचे प्लॅटफॉर्म मुलांना जाणूनबुजून व्यसनाधीन करतो आणि त्यांना हानी पोहोचवतो का?. झुकरबर्ग या प्रश्नांना उत्तर देताना अस्वस्थ दिसले, वकिलांच्या युक्तिवादावर डोके हलवत संतप्त झाले. त्यांनी म्हटले की कंपनीने अल्पवयीन वापरकर्त्यांना ओळखण्याची क्षमता सुधारली आहे, परंतु काही वापरकर्ते खोटे वय सांगतात आणि त्यांना ओळखल्यावर काढून टाकले जाते.

 

 

 

न्यायालयाने विचारले, नऊ वर्षांच्या मुलाला तुमच्या अटी समजतील का? १३ वर्षांखालील मुलांना परवानगी देण्याबाबत तुमचा युक्तिवाद काय?हे प्रकरण २० वर्षीय कॅली जी.एम. शी संबंधित आहे, ज्याला लहानपणापासून सोशल मीडियाचा जास्त वापर होत असल्यामुळे मानसिक आरोग्याच्या समस्या निर्माण झाल्या आहेत. कॅलीने सहा वर्षांच्या वयात यूट्यूब, नऊ वर्षांपासून इंस्टाग्राम आणि नंतर टिकटॉक व स्नॅपचॅटचा वापर सुरू केला. हा खटला अमेरिकेत दाखल केलेल्या हजारो खटल्यांपैकी पहिला आहे ज्यात अब्जाधीश मालकाने थेट ज्युरीसमोर आणि शपथ घेऊन सोशल मीडिया सुरक्षा उपायांचे समर्थन केले. झुकरबर्ग म्हणाले की वय पडताळणीसाठी सध्या योग्य पद्धती वापरल्या जात आहेत आणि भविष्यात नवीन साधने आणि उपाय जोडले जातील.