दौर्‍यात सहभागी विद्यार्थी उद्याचे शास्त्रज्ञ इस्त्रो आणि नासामध्ये दिसतील : डॉ. भोयर

dr bhoyar वर्धा जिल्हा शिक्षण व प्रशिक्षण संस्था आणि जिल्हा नियोजन समितीच्या माध्यमातून इस्त्रोची सफर करून परतलेल्या ४४ बाल वैज्ञानिकांचा नागपूर येथील हॉटेल प्राईडमध्ये शाही सत्कार करण्यात आला. आजचे हे विद्यार्थी उद्याचे वैज्ञानिक आहेत. भविष्यात हेच विद्यार्थी इस्त्रो आणि नासामध्ये संशोधक म्हणून दिसतील, असा विश्वास पालकमंत्री डॉ. पंकज भोयर यांनी यावेळी व्यत केला. या सत्कार सोहळ्यास तंत्र शिक्षण विभागाचे संचालक डॉ. विनोद मोहितकर, आयआयएम नागपूरचे डॉ. शिवाजी धावड, ज्येष्ठ पत्रकार प्रदीप मैत्रा, राज्य विज्ञान संस्थेचे संचालक डॉ. राजकुमार अवसरे आणि डायट वर्धाचे प्राचार्य डॉ. मंगेश घोगरे तसेच बालवैज्ञानिक उपस्थित होते.

 

 

 

 

कार्यक्रमाला उपस्थित जिल्हाधिकारी वान्मथी सी. म्हणाल्या की, प्रत्येक गोष्टीमागे विज्ञान असते. विद्यार्थ्यांनी केवळ ते वाचून न थांबता त्यामागच्या कारणांचा शोध घेतला पाहिजे. ही जिज्ञासाच तुम्हाला यशाच्या शिखरावर नेईल, असेही त्या म्हणाल्या. यावेळी मान्यवरांच्या हस्ते सर्व विद्यार्थ्यांना विशेष सन्मानपत्र देऊन गौरविण्यात आले.dr bhoyar

वर्धेच्या ग्रामीण भागातील गुणवंत विद्यार्थ्यांना विज्ञानाची जागतिक ओळख व्हावी, यासाठी या विशेष सहलीचे आयोजन करण्यात आले होते. जिल्हा नियोजन समितीच्या विशेष निधीतून या ऐतिहासिक दौर्‍याला आर्थिक पाठबळ देण्यात आले. विमानाने प्रवास करत बंगळुरूमधील इस्त्रो आणि कुप्पममधील अगस्त्या फाउंडेशन येथे या विद्यार्थ्यांनी विविध वैज्ञानिक प्रयोग आणि उपग्रहांचे तंत्रज्ञान जवळून अनुभवले.