कट होता? राऊंताच्या शंकेने राजकारणात 'भूकंप' केला मोठा दावा

Sanjay Raut राज्याचे दिवंगत माजी उपमुख्यमंत्री अजित पवार यांच्या विमान अपघाताबाबत राष्ट्रवादीचे आमदार अमोल मिटकरी यांनी ‘100 टक्के घात’ असल्याची शंका व्यक्त केली होती. या पार्श्वभूमीवर शिवसेना ठाकरे गटाचे खासदार संजय राऊत यांनीही या प्रकरणावर गंभीर शंका व्यक्त केल्या आहेत आणि अनेक राजकीय मुद्दे मांडले आहेत.

 

 

 

माध्यमांशी बोलताना संजय राऊत यांनी सांगितले की, अजित पवारांचा पक्ष आता खऱ्या अर्थाने पवार-पाटलांचा राहिलेला नाही. तो गोयल, पटेल, पारेख, शाह आणि मोदी यांच्या प्रभावाखाली जाऊ शकतो, असे त्यांनी म्हटले. त्यांच्या म्हणण्यानुसार, अजितदादा सुरुवातीला अस्सल मराठमोळ्या नेत्यांचा पक्ष चालवत होते, परंतु अखेर हा पक्ष राष्ट्रीय राजकारणाच्या दबावाखाली गिळून गेला आहे.

 

 

संजय राऊत यांनी Sanjay Raut  अजित पवारांच्या मृत्यूबाबत सांगितले की, “अजितदादा स्वगृही परतण्यासाठी प्रयत्न करत होते. त्यांनी कधीही भाजपच्या अजेंड्यावर काम केले नाही. सत्तेसाठी ते एकत्र आले होते, परंतु भाजपने त्यांच्यावर विविध संकटे लादली; घोटाळ्याचे आरोप, ईडी, सीबीआय मागे लागणे यांसारखे प्रकरण झाले. त्यांनी इतर नेत्यांप्रमाणेच आपले प्रकरणे हाताळली. आणि नंतर पुन्हा स्वगृही परतण्यासाठी प्रयत्न करत होते; पण दुर्दैवाने त्यांचा मृत्यू झाला,” असे त्यांनी नमूद केले.मुख्यमंत्री देवेंद्र फडणवीस यांनी विचारले होते की, भाजपला विचारल्याशिवाय अजित पवार विलिनीकरणाच्या चर्चेत कसे गेले? यावर संजय राऊत यांनी स्पष्ट केले की, “अजित पवार स्वतःच्या पक्षाचे नेते होते. त्यांनी स्वतःच्या मर्जीने निर्णय घेतला. जर त्यांनी फडणवीस यांच्याशी चर्चा केली नाही, तर त्यांचा फडणवीसांवर विश्वास नव्हता. इतरांचे म्हणणे खोटे आहे किंवा फडणवीसांचे म्हणणे खरे, असा विचार चुकीचा आहे. आज दादा नाहीत, त्यामुळे त्यांच्या नावावर कोणतीही बिले फाडू नयेत,” असे त्यांनी सांगितले.

 

 

विमान अपघाताबाबत Sanjay Raut  संजय राऊत यांनी गंभीर प्रश्न उपस्थित केले. “अजितदादांचा अपघात साधा नाही. त्यांनी वारंवार सांगितले होते की, माझ्याकडे भाजपच्या घोटाळ्याची फाईल आहे आणि ती उघड करीन. १५ जानेवारी रोजी त्यांनी हे सांगितले आणि दहा दिवसांत विमान अपघात झाला. सहा जण विमानात होते, परंतु फक्त पाच मृतदेह मिळाले. सहावी व्यक्ती कोण होती? तिची बॉडी का मिळाली नाही? सगळे देह खाक झाले, पण दादांकडे असलेले कागद जळाले नाहीत. भाजपच्या भ्रष्टाचाराची फाईल दादांकडे होती का? ती सुरक्षित ठेवायला बारामतीत नेली जात होती का?” असे प्रश्न राऊत यांनी उपस्थित केले.

संजय राऊत यांच्या या वक्तव्यांमुळे अजित पवारांच्या मृत्यूच्या रहस्यावर पुन्हा चर्चा सुरू झाली आहे. त्यांच्या म्हणण्यानुसार, या प्रकरणात अनेक रहस्ये आहेत, ज्यावर राजकारणाबाहेरून उत्तर मिळणे आवश्यक आहे.