भारतीय क्रिकेटपटू राहुल चहरचा काडीमोड

Rahul Chahar's divorce भारतीय क्रिकेटपटू राहुल चहरच्या वैयक्तिक आयुष्यातील एक महत्त्वाचा टप्पा संपला आहे. चहरचे लग्न चार वर्षांपूर्वी झाले होते, परंतु ते टिकले नाही. नुकत्याच त्यांनी सोशल मीडियावर या घटनेची संपूर्ण कहाणी शेअर केली आहे. राहुलने इ स्टाग्रामवर पोस्ट करत म्हटले आहे की, त्याचे लग्न खूप लहान वयात झाले होते आणि त्या वेळी त्याला स्वतःच्या क्षमतांबद्दल किंवा जीवनातील निवडींबाबत फारशी माहिती नव्हती. त्यानंतरच्या वर्षांनी त्याला अनेक धडे दिले, ज्याची त्याने पूर्वी कल्पनाही केली नव्हती. गेल्या पंधरा महिन्यांत कोर्टात जाणे, संयम राखणे, अडचणींना सामोरे जाणे आणि सत्याची ओळख करून घेणे यात त्याचा मोठा वेळ गेला.

 

 

 

 

 

राहुलने सांगितले की आज, २० फेब्रुवारी रोजी, या भागाचा कायदेशीर शेवट झाला आहे. मोठी किंमत मोजून आणि योग्य प्रक्रियेनंतर हा टप्पा आता संपला आहे. त्यांनी स्पष्ट केले की तो राग किंवा पश्चात्ताप न करता हा अध्याय संपवत आहे. राहुलने म्हटले की काही नाती कायम टिकण्यासाठी नसतात; त्या जीवनाबद्दल नवीन दृष्टीकोन देण्यासाठी, काही शिकवण्यासाठी आणि बदल घडवण्यासाठी असतात.