बारावीच्या दाेन विषयांचे पेपर फुटले

xii leaked papers राज्यात पेपरफुटीच्या घटना दिवसेंदिवस उघडकीस येत असून यावर्षीसुद्धा नागपुरातील सदरमधील सेंट ऊर्सूला शाळेतील परीक्षा केंद्रावर बारावी बाेर्डाचा केमिस्ट्री विषयाचा पेपर फुटला. या प्रकरणी सदर पाेलिसांनी गुन्हा दाखल केला असून दाेन विद्यार्थिनींची चाैकशी केली आहे. चाैकशीत फिजिक्स विषयासुद्धा पेपर अशाच प्रकारे फुटल्याचा हा धक्कादायक प्रकार गुरुवारी उघडकीस आला.

 

 

 

 

 

राज्यात याआधी पेपर फुटीचे अनेक प्रकरणे समाेर आली आहेत. आता, थेट बारावीच्या बाेर्डाच्या परीक्षेचा पेपर फुटल्याची घटना समाेर आल्यामुळे शिक्षण विभागाची प्रतिमा मलिन झाली आहे. गुरुवारी बारावीचा केमिस्ट्रीचा पेपर झाला हाेता. मात्र, परीक्षेआधीच हा पेपर विद्यार्थ्यांच्या माेबाइलवर व्हाॅट्सअप ग्रूपवर आला हाेता. सदर परीसरातील सेंट ऊर्सूला परीक्षा केंद्रावर हे प्रकरण उघडकीस आले. एक विद्यार्थिनी वारंवार प्रसाधनगृहात जात हाेती. त्यामुळे केंद्रावरील पर्यवेक्षकाला संशय आला. ती विद्यार्थिनी तिसऱ्यांदा बाहेर गेल्यानंतर परत आली असता तिची शिक्षिकेच्या माध्यमातून झडती घेण्यात आली. तिच्याकडून एक स्मार्ट फोन जप्त करण्यात आला. ताे माेबाईल तपासला असता त्यामध्ये एका व्हाॅट्सअप ग्रूपवर परीक्षा सुरु हाेण्यापूर्वीच पेपर आलेला हाेता. तसेच त्याच ग्रूपवर प्रश्नांची उत्तरेसुद्धा आलेली हाेती. त्यामुळे केंद्र प्रमुखांनी सदर पाेलिसांना फोन केला. सदरचे ठाणेदार अमाेल देशमुख हे पथकासह परीक्षा केंद्रावर पाेहचले.

माेबाईल तपासला असता व्हाॅट्सअपवर 15 विद्यार्थ्यांचा एक ग्रूप तयार करण्यात आला हाेता. त्यामध्ये सेंट ऊर्सूला परीक्षा केंद्रावरील 2 विद्यार्थिनी सहभागी हाेत्या. दाेन्ही विद्यार्थिनींची चाैकशी केली असता त्यांनी खासगी शिकवणी वर्गातील एका शिक्षकाने पैसे घेऊन पेपर फोडल्याची माहिती दिली.xii leaked papers अन्य 13 विद्यार्थी शहरातील वेगवेगळ्या परीक्षा केंद्रावर केमिस्ट्रीचा पेपर माेबाईलवरील माहितीवरुन साेडवत हाेते. त्या विद्यार्थ्यांचा शाेध सुरु आहे.