टी-२० विश्वचषकमध्ये नवा ट्विस्ट; नियमांमुळे टीम इंडियाला थेट सेमीफायनलची संधी?

t20-world-cup आयसीसी टी-२० विश्वचषक २०२६ स्पर्धेत सुपर-8 फेरीला सुरुवात झाली असून भारताचा गट-1 मध्ये दक्षिण आफ्रिका  क्रिकेट संघ, वेस्ट इंडीज क्रिकेट संघ आणि झिम्बाब्वे क्रिकेट संघासह यांच्यासोबत समावेश आहे. या फेरीतील भारताचा पहिला सामना अहमदाबाद येथे दक्षिण आफ्रिकेविरुद्ध खेळवला जाणार आहे. सुपर-8 टप्प्यात मागील फेरीतील गुण पुढे नेले जात नाहीत, त्यामुळे सर्व संघांची सुरुवात शून्य गुणांपासून होत आहे. प्रत्येक संघ तीन सामने खेळणार असून गटातील अव्वल दोन संघ उपांत्य फेरीत प्रवेश करतील. पावसामुळे सामना रद्द झाल्यास दोन्ही संघांना प्रत्येकी एक गुण दिला जाणार आहे.

 

 

दरम्यान, सुपर-8 मधील एक सामना पावसामुळे रद्द झाल्याने संबंधित संघांना प्रत्येकी एक गुण देण्यात आला आहे. अशा परिस्थितीत गुणतालिकेतील स्थिती अत्यंत महत्त्वाची ठरणार आहे. t20-world-cup आंतरराष्ट्रीय क्रिकेट परिषदेच्या नियमानुसार उपांत्य फेरीत प्रवेशासाठी सर्वप्रथम गुणसंख्या विचारात घेतली जाईल. दोन संघांचे गुण समान असल्यास जिंकलेल्या सामन्यांची संख्या निर्णायक ठरेल. त्यानंतरही स्थिती सारखीच राहिल्यास नेट रन रेटचा आधार घेतला जाईल. नेट रन रेटही समान आल्यास संबंधित संघांमधील निकाल किंवा आवश्यक असल्यास अतिरिक्त सामना अशा पर्यायांचा विचार केला जाऊ शकतो.

विशेष म्हणजे, एखाद्या गटातील सर्वच सामने पावसामुळे रद्द झाल्यास प्रत्येक संघाला समान गुण दिले जातील. अशावेळी नेट रन रेटही शून्य राहण्याची शक्यता आहे, कारण एकही सामना पूर्ण होणार नाही. t20-world-cup हेड-टू-हेड निकालाचाही प्रश्न निर्माण होणार नाही. अंतिम पर्याय म्हणून टाय-ब्रेकरची तरतूद लागू केली जाईल आणि त्यासाठी T20 आंतरराष्ट्रीय क्रमवारीचा आधार घेतला जाईल. सध्याच्या क्रमवारीत भारत अव्वल स्थानावर असल्याने अत्यंत अपवादात्मक परिस्थितीत सामना न खेळताही उपांत्य फेरीत पोहोचण्याची शक्यता नाकारता येत नाही.