३ दिवसांपूर्वी लग्न केलेल्या २८ वर्षीय वधूने दिला बाळाला जन्म; ६० वर्षीय नवरा चर्चेत

muzaffarpur-viral-news बिहारमधील मुझफ्फरपूरमधून एक धक्कादायक बातमी समोर आली आहे. नेपाळमधील एका ६० वर्षीय शाळेच्या मुख्याध्यापकाने २८ वर्षीय शिक्षिकेशी लग्न केले. पण चर्चेचे खरे कारण काही वेगळेच आहे. लग्नाच्या अवघ्या तीन दिवसांनी महिलेने मुलीला जन्म दिला. आता संपूर्ण परिसरात चर्चेचा विषय बनला आहे.

 

 

ही घटना मुझफ्फरपूर जिल्ह्यातील औराई पोलिस स्टेशन परिसरात घडली. राकेश साह हे एका खाजगी शाळेचा मालक आणि मुख्याध्यापक आहे. शाइस्ता परवीन ही त्याच शाळेत शिक्षिका होती. muzaffarpur-viral-news दोघांची ओळख झाली आणि नंतर लग्न करण्याचा निर्णय घेतला. त्यांनी १८ फेब्रुवारी रोजी नेपाळमधील जनकपूर येथे लग्न केल्याचे वृत्त आहे. लग्नाचे फोटो सोशल मीडियावर समोर आले आणि व्हायरल झाले. मीडिया रिपोर्ट्सनुसार, शाइस्ता परवीनने लग्नाच्या अवघ्या तीन दिवसांतच मुलीला जन्म दिला. ती सध्या सीतामढी येथील एका खाजगी रुग्णालयात दाखल आहे. ही बातमी आता संपूर्ण प्रकरणातील सर्वात मोठा प्रश्न बनली आहे. लोक विचारत आहेत की, जर लग्न १८ फेब्रुवारी रोजी झाले असेल तर तीन दिवसांनी बाळाचा जन्म कसा झाला? ही बातमी समोर येताच गावात विविध चर्चा सुरू झाल्या.

लग्नानंतर शाइस्ताच्या भावाने औरई पोलिस ठाण्यात तक्रार दाखल केली. त्याने राकेश साहवर तिचे अपहरण करून जबरदस्तीने लग्न केल्याचा आरोप केला. तक्रारीत मुख्याध्यापकासह सात जणांची नावे आहेत. muzaffarpur-viral-news कुटुंबाचे म्हणणे आहे की त्यांना या नात्याची माहिती नव्हती. वादाच्या पार्श्वभूमीवर, शाइस्त परवीनचा एक व्हिडिओ समोर आला आहे. व्हिडिओमध्ये, तिने स्वतःच्या इच्छेने लग्न केल्याचा दावा केला आहे आणि ती पूर्णपणे सुरक्षित आहे. तिने सर्व आरोप फेटाळून लावले आहेत आणि लग्न संमतीने झाल्याचे म्हटले आहे. औरई पोलिस ठाण्याने गुन्हा दाखल केला आहे आणि तपास सुरू केला आहे. काही लोकांचे मोबाईल फोन जप्त करण्यात आले आहेत आणि कॉल डिटेल्स तपासले जात आहेत. पोलिसांचे म्हणणे आहे की तपासानंतरच सत्य स्पष्ट होईल.