दिग्रस आणि काळीदौलत परिसरात अवकाळी पावसाचा तडाखा

रविवारी संध्याकाळी अचानक आलेल्या वादळी वाèयासह अवकाळी पावसाने महागाव तालुक्यातील शेतीचे मोठ्या प्रमाणात नुकसान केले. सुमारे दोन तास कोसळलेल्या मुसळधार पावसाने शेतकèयांच्या हाती आलेले पीक अक्षरशः उद्ध्वस्त झाले असून तातडीने पंचनामे करून मदत जाहीर करावी, अशी मागणी शेतकèयांकडून करण्यात येत आहे.

 

 

या अवकाळी पावसामुळे गहू, ज्वारी, हरभरा तसेच कापून ठेवलेल्या तुरीच्या गंजींचे मोठे नुकसान झाले आहे. अनेक ठिकाणी गव्हाची काढणी सुरू असताना पावसाने हजेरी लावल्याने पीक भिजून जमीनदोस्त झाले. हरभèयालाही मोठा फटका बसला असून उत्पादनात घट होण्याची शक्यता व्यक्त होत आहे.

 

 

सोसाट्याच्या वाèयासह विजेच्या कडकडाटामुळे शेतशिवारात मोठी हानी झाली. वीजपुरवठाही खंडित झाला. आंबा, टरबूज, काकडी तसेच भाजीपाला पिकांचेही मोठ्या प्रमाणात नुकसान झाल्याचे शेतकèयांनी सांगितले.

 

 

शेतकèयांच्या म्हणण्यानुसार, गतवर्षीच्या तुलनेत यंदा उत्पादन खर्चात वाढ झाली असून अवकाळी पावसामुळे आधीच आर्थिक अडचणीत असलेल्या कास्तकारांचे नुकसान अधिकच वाढले आहे. महसूल प्रशासनाकडून अद्याप अधिकृत आकडेवारी जाहीर करण्यात आलेली नसल्याने शेतकèयांमध्ये नाराजी आहे. महसूल विभागाने तातडीने प्रत्यक्ष पाहणी करून पंचनामे करावेत व नुकसानग्रस्त शेतकèयांना त्वरित मदत द्यावी, अशी मागणी परिसरातील शेतकèयांकडून करण्यात येत आहे.