जियोफायनान्सचा नवीन अॅप लॉन्च; AI देणार वैयक्तिक आर्थिक सल्ला
27 Feb 2026 21:43:33
मुंबई,
all-new-geofinance-app : जियो फायनान्सने ‘ऑल-न्यू जियोफायन्स अॅप’ लॉन्च केले असून हे अॅप वापरकर्त्यांना AI च्या मदतीने त्यांच्या आर्थिक गरजांनुसार वैयक्तिक सल्ला देईल. आता होम लोन, पर्सनल लोन, क्रेडिट कार्ड, विमा, फिक्स्ड डिपॉझिट, डिजिटल गोल्ड किंवा म्युच्युअल फंड यांसारख्या पर्यायांमध्ये वापरकर्त्याला थेट योग्य पर्याय दिसणार आहेत.
अॅपमध्ये १५ AI एजंट्स आणि ७० निर्णय-निर्मिती इंजिन्स वापरकर्त्यांच्या आर्थिक स्थितीचे विश्लेषण करतील आणि सर्वोत्तम निर्णय घेण्यासाठी सल्ला देतील. प्रत्येक व्यवहारावर जिओपॉइंट्स मिळतील, जे विविध रिवॉर्ड्ससाठी वापरता येतील.
लवकरच ‘फायनान्शियल फिटनेस स्कोअर’ आणि ‘पर्सनल CFO फॉर भारत’ सारख्या फीचर्स देखील जोडल्या जाणार आहेत, ज्या खर्च, बचत, गुंतवणूक आणि विम्याचे विश्लेषण करतील आणि सुधारणा सुचवतील.
जियो फायनान्सचे CEO हितेश सेठिया म्हणाले, “आर्थिक सेवा अधिक पारदर्शक, सोपी आणि विश्वासार्ह बनवणे हे आमचे उद्दिष्ट आहे. या अॅपमुळे प्रत्येक भारतीय आपला आर्थिक भविष्यावर आत्मविश्वासाने नियंत्रण ठेवू शकेल.” ‘Finsider’ कार्यक्रमाद्वारे वापरकर्ते अॅपच्या विकासात सहभागी होऊन अभिप्राय देऊ शकतात, ज्यामुळे अॅप अधिक वापरकर्ता-केंद्रित बनेल.