‘पेड्डी’ची रिलीज डेट जाहीर; नव्या पोस्टरने चाहत्यांमध्ये उत्साह

Ram Charan ग्लोबल स्टार राम चरणच्या बहुप्रतीक्षित पॅन-इंडिया चित्रपट ‘पेड्डी’ची अधिकृत रिलीज डेट अखेर जाहीर करण्यात आली आहे. नव्या पॉवर-पॅक्ड पोस्टरसह ही घोषणा करण्यात आली असून, सोशल मीडियावर या पोस्टरने प्रचंड खळबळ उडवली आहे. दमदार आणि आक्रमक अवतारातील राम चरण पाहून चाहत्यांचा उत्साह पुन्हा एकदा शिगेला पोहोचला आहे.

 

 

राम चरणसाठी Ram Charan हा काळ विशेष आनंदाचा ठरत आहे. नुकतेच ते जुळ्या मुलांचे वडील झाले असून, त्याचवेळी त्यांच्या कारकिर्दीतील एक महत्त्वाकांक्षी चित्रपट मोठ्या पडद्यावर येण्यासाठी सज्ज झाला आहे. ‘पेड्डी’ची घोषणा झाल्यापासूनच हा चित्रपट सतत चर्चेत आहे. प्रभावी अनाउन्समेंट ग्लिम्प्स, लक्षवेधी फर्स्ट-लुक पोस्टर्स, टीझर झलक आणि सुपरहिट गाणं ‘चिकिरी चिकिरी’ यामुळे चित्रपटाबाबतची उत्सुकता दिवसेंदिवस वाढत गेली.

 

 

आता निर्मात्यांनी नव्या Ram Charan पोस्टरसोबतच चित्रपटाची भव्य थिएटर रिलीज डेट जाहीर केली आहे. ‘पेड्डी’ 30 एप्रिल 2026 रोजी वीकेंड इव्हेंट रिलीज म्हणून जगभरातील सिनेमागृहांत प्रदर्शित होणार आहे. ही तारीख लक्षात घेता, ‘पेड्डी’ 2026 मधील सर्वात मोठ्या पॅन-इंडिया रिलीजपैकी एक ठरण्याची शक्यता वर्तवली जात आहे.नव्या पोस्टरमध्ये राम चरण लांब केस, दाट दाढी, रक्ताने माखलेला चेहरा आणि धुळीत माखलेला रफ-टफ अवतारात दिसत आहेत. गर्दीत उभा असलेला त्यांचा हा आक्रमक लूक एका जबरदस्त, मास-अपील असलेल्या पात्राची झलक देतो. केवळ एका पोस्टरमधूनच चित्रपटातील पात्राची ताकद, जिद्द आणि रॉ एनर्जी प्रभावीपणे जाणवते.

 

 

पोस्टर शेअर करताना निर्मात्यांनी लिहिले आहे, “त्याच्या येण्याची तारीख बदलू शकते, पण त्याची अफाट ताकद आणि जिद्द नाही. #PEDDI वर्ल्डवाइड रिलीज 30 एप्रिल 2026.” या ओळींनी चाहत्यांमधील उत्साह आणखी वाढवला आहे.दरम्यान, ‘पेड्डी’मधील ‘चिकिरी चिकिरी’ हे गाणे रिलीज होताच प्रचंड लोकप्रिय ठरले. अवघ्या 24 तासांत या गाण्याने 46 मिलियन व्ह्यूज मिळवले होते. पुढे विविध भाषांतील यूट्यूब प्लॅटफॉर्मवर मिळून या गाण्याने 200 मिलियनहून अधिक व्ह्यूज आणि 20 लाखांपेक्षा जास्त लाइक्स मिळवत विक्रम नोंदवला. दिग्गज संगीतकार ए. आर. रहमान यांनी या गाण्याला संगीत दिले असून, मोहित चौहान यांच्या आवाजात आणि बालाजी यांच्या शब्दांत ते साकारले आहे.राम चरण, जान्हवी कपूर, जगपती बाबू, शिवा राजकुमार आणि दिव्येंदू शर्मा यांसारख्या दमदार कलाकारांनी सजलेला ‘पेड्डी’ हा चित्रपट व्हिजनरी दिग्दर्शक बुची बाबू साना यांच्या दिग्दर्शनाखाली तयार होत आहे. भव्य स्केल, दमदार कथा आणि ताकदवान सादरीकरणामुळे ‘पेड्डी’ 30 एप्रिल 2026 रोजी प्रेक्षकांसाठी एक मोठा सिनेमॅटिक अनुभव ठरण्याची चिन्हे स्पष्टपणे दिसत आहेत.