पवन सिंह करणार तिसरे लग्न व्हिडीओ सोशल मीडियावर व्हायरल

Pawan Singh viral video भोजपुरी चित्रपटसृष्टीतील लोकप्रिय अभिनेता आणि गायक पवन सिंह पुन्हा एकदा चर्चेच्या केंद्रस्थानी आले आहेत. त्यांच्या चित्रपटांइतकीच वैयक्तिक आयुष्य आणि वक्तव्यांमुळेही ते नेहमीच चर्चेत असतात. सध्या त्यांचा एका लाईव्ह शोमधील व्हिडीओ सोशल मीडियावर जोरदार व्हायरल होत असून, या व्हिडीओमध्ये पवन सिंह थेट स्टेजवर एका अभिनेत्रीला लग्नाचा प्रस्ताव देताना दिसत आहेत. हजारो प्रेक्षकांच्या उपस्थितीत झालेली ही संवादपूर्ण आणि काहीशी रोमँटिक चर्चा सर्वांचे लक्ष वेधून घेत आहे.

 

 

व्हायरल झालेल्या व्हिडीओमध्ये पवन सिंह आणि संबंधित अभिनेत्री स्टेजवर संवाद साधताना दिसतात. या संवादादरम्यान पवन सिंह अभिनेत्रीला थेट विचारतात की तिचे लग्न झाले आहे का. त्यावर अभिनेत्री उत्तर देते की सध्या ती लग्नासाठी योग्य जोडीदार शोधत आहे. यावर पवन सिंह हसत म्हणतात की, शोधायची गरज काय आहे, कारण योग्य व्यक्ती तर समोरच उभी आहे. त्यानंतर दोघांमधील संभाषण अधिकच रंगत जाते आणि पवन सिंह स्वतःलाच संभाव्य जोडीदार म्हणून सादर करताना दिसतात.

या संवादात अभिनेत्री Pawan Singh viral video  गंमतीच्या स्वरात सुंदर, सुशील, टिकाऊ, संस्कारी आणि कमावता जोडीदार हवा असल्याचे सांगते. त्यावर पवन सिंह म्हणतात की, समोर उभ्या असलेल्या माणसात काय आहे आणि काय नाही, हे तपासून घ्यावे. पुढे ते स्वतःबद्दल बोलताना म्हणतात की, ते गोरे किंवा फारसे सुंदर नसतील, पण संस्कार आणि टिकाऊपणा नक्कीच आहे. “फॅशनच्या जमान्यात गॅरंटी नसते, फक्त वॉरंटी असते. पण मी टिकाऊ आहे, होतो आणि राहीन,” असे वक्तव्य करत त्यांनी प्रेक्षकांमध्ये हशा आणि टाळ्यांचा कडकडाट मिळवला.

 

 

हा संपूर्ण प्रकार Pawan Singh viral video  काही जणांना केवळ मनोरंजनाचा भाग वाटत असला, तरी सोशल मीडियावर यावर जोरदार चर्चा सुरू झाली आहे. अनेक चाहते पवन सिंह तिसऱ्या लग्नाची तयारी करत आहेत का, असा प्रश्न उपस्थित करत आहेत. तर काही जणांच्या मते, हा सगळा प्रकार फक्त स्टेज शोचा भाग आणि प्रेक्षकांचे मनोरंजन करण्यासाठी केलेला संवाद असू शकतो.पवन सिंह यांचे वैयक्तिक आयुष्य याआधीही वादात सापडले आहे. त्यांनी २०१४ साली नीलम सिंह यांच्याशी पहिले लग्न केले होते. मात्र लग्नाच्या अवघ्या वर्षभरातच नीलम सिंह यांनी आत्महत्या केल्याची धक्कादायक घटना घडली होती. त्यानंतर २०१८ साली पवन सिंह यांनी ज्योती सिंह यांच्याशी दुसरे लग्न केले. सध्या दोघांमध्ये मतभेद असून, त्यांचा घटस्फोटाचा खटला न्यायालयात सुरू आहे.अशा पार्श्वभूमीवर लाईव्ह शोमधील हा व्हायरल व्हिडीओ समोर आल्याने पवन सिंह पुन्हा एकदा चर्चेत आले आहेत. हा प्रस्ताव खरोखरच गंभीर होता की केवळ स्टेजवरील विनोद आणि नाट्याचा भाग, हे अद्याप स्पष्ट झालेले नसले तरी सोशल मीडियावर मात्र या व्हिडीओने चांगलाच गदारोळ निर्माण केला आहे.