‘धुरंधर’च्या जोरावर नफा 167% वाढला

Dhurandhar movie मल्टीप्लेक्स चेन पीव्हीआर आयनॉक्सने डिसेंबर तिमाहीत (Q3FY26) जोरदार कामगिरी करत बरीचच लक्ष वेधले आहे. कंपनीचा एकत्रित नफा गेल्या वर्षीच्या तुलनेत 167 टक्क्यांनी वाढून 96 कोटी रुपयांवर पोहोचला आहे. चित्रपटांचा व्यवसाय पुन्हा एकदा प्रेक्षकांच्या पसंतीत आल्याचे हे आकडे स्पष्ट करत आहेत. दमदार ब्लॉकबस्टर चित्रपटांमुळे थिएटर्समध्ये प्रेक्षकांची संख्या मोठ्या प्रमाणात वाढली असून, त्याचा थेट फायदा कंपनीच्या व्यवसायाला झाला आहे. पीव्हीआर आयनॉक्सचे शेअर्स गेल्या आठवड्यात 986.40 रुपयांवर बंद झाले.

 

 

डिसेंबर तिमाहीत कंपनीचा महसूल 1,880 कोटी रुपये होता, जो मागील वर्षीच्या 1,717 कोटींपेक्षा 9.4 टक्क्यांनी जास्त आहे. या वाढीमध्ये ‘धुरंधर’सारख्या ब्लॉकबस्टर चित्रपटाचा मोठा वाटा आहे. आदित्य धर दिग्दर्शित ‘धुरंधर’ने बॉक्स ऑफिसवर इतिहास रचला असून, देशभरात तब्बल 1,000 कोटींचा गल्ला जमवला आहे. या चित्रपटामुळेच पीव्हीआर आयनॉक्सच्या कामगिरीला जोर मिळाला आहे.

 

 

कंपनीने म्हटले आहे की 2025 हे Dhurandhar movie हिंदी बॉक्स ऑफिससाठी आतापर्यंतचे सर्वोत्तम वर्ष ठरले. या वर्षात हिंदी चित्रपटांचा एकूण महसूल 5,500 कोटींपेक्षा जास्त झाला. चित्रपटांच्या शैलीतील संतुलन आणि प्रदर्शनाचे वेळापत्रक पूर्वीपेक्षा अधिक नियमित असल्याने प्रेक्षकांचे थिएटर्सकडे आकर्षण वाढले. 2025 मध्ये भारतीय बॉक्स ऑफिसवरील एकूण महसूल 13,395 कोटी रुपये होता, जो कोरोना महामारीपूर्वीच्या काळापेक्षा 32 टक्क्यांनी जास्त आहे. या वर्षात 37 चित्रपटांनी कमाईचा 100 कोटी रुपयांचा टप्पा ओलांडला, जे बॉक्स ऑफिससाठी सकारात्मक संकेत मानले जात आहेत.डिसेंबर तिमाहीसाठी कंपनीचा EBITDA 662 कोटी रुपये होता, जो मागील वर्षीच्या तुलनेत 16 टक्क्यांनी वाढला आहे. ‘धुरंधर’च्या यशामुळेच या सर्व आकडेबाजीला चालना मिळाली आहे. 19 मार्च रोजी या चित्रपटाचा दुसरा भाग थिएटर्समध्ये प्रदर्शित होणार आहे, ज्याबद्दल प्रेक्षकांमध्ये प्रचंड उत्सुकता आहे. उद्योग तज्ज्ञांचा अंदाज आहे की दुसऱ्या भागाने पुन्हा एकदा बॉक्स ऑफिसवर कमाईचे नवे विक्रम रचले जातील.पीव्हीआर आयनॉक्सची ही कामगिरी चित्रपट व्यवसायात प्रेक्षकांच्या विश्वास आणि ब्लॉकबस्टर चित्रपटांच्या सामर्थ्यावर आधारित असल्याचे स्पष्ट करते. आगामी वर्षात देखील कंपनीच्या नफ्याची वाढ आणि थिएटरमध्ये प्रेक्षकांचा वाढता उत्साह ही प्रवृत्ती कायम राहण्याची शक्यता आहे.