लुंगी एनगिडीने टी-२० विश्वचषकात रचला इतिहास, बनला नंबर १ गोलंदाज

lungi-ngidi : २०२६ च्या टी-२० विश्वचषकातील ५१ वा सामना झिम्बाब्वे आणि दक्षिण आफ्रिका यांच्यात दिल्लीतील अरुण जेटली स्टेडियमवर खेळला जात आहे. या सामन्यात दक्षिण आफ्रिकेचा वेगवान गोलंदाज लुंगी न्गिडी याने इतिहास रचला. तो तबरेज शम्सीला मागे टाकत दक्षिण आफ्रिकेचा टी-२० आंतरराष्ट्रीय क्रिकेटमध्ये सर्वाधिक बळी घेणारा गोलंदाज ठरला. झिम्बाब्वेविरुद्धच्या सामन्यात न्गिडी याने एक बळी घेतला.

 

 

 

 

 

 

या सामन्यात लुंगी न्गिडी याने त्याच्या दुसऱ्याच षटकात झिम्बाब्वेचा अनुभवी फलंदाज रायन बर्ल याचा बळी घेतला. न्गिडी याने त्याला एलबीडब्ल्यू आउट केले. या एकाच बळीमुळे लुंगी न्गिडी आता दक्षिण आफ्रिकेचा टी-२० आंतरराष्ट्रीय क्रिकेटमध्ये सर्वाधिक बळी घेणारा गोलंदाज बनला आहे. या फॉरमॅटमध्ये त्याच्या नावावर ९० बळी आहेत. दुसरीकडे, शम्सी याने ७० सामन्यांमध्ये ८९ बळी घेतले आहेत.

 

दक्षिण आफ्रिकेसाठी टी-२० आंतरराष्ट्रीय क्रिकेटमध्ये सर्वाधिक बळी घेणाऱ्या गोलंदाजांच्या यादीत कागिसो रबाडा तिसऱ्या क्रमांकावर आहे. रबाडाने ७८ टी-२० आंतरराष्ट्रीय सामन्यांमध्ये ८२ विकेट घेतल्या आहेत. माजी महान वेगवान गोलंदाज डेल स्टेनने ४७ सामन्यांमध्ये ६४ विकेट घेतल्या आहेत. इम्रान ताहिर यादीत पाचव्या स्थानावर आहे, त्याने ३५ सामन्यांमध्ये ६१ विकेट घेतल्या आहेत.

 

 

लुंगी एनगिडी - ९० विकेट

तबरेज शम्सी - ८९ विकेट

कागिसो रबाडा - ८२ विकेट

डेल स्टेन - ६४ विकेट

इमरान ताहिर - ६१ विकेट

 

झिम्बाब्वे आणि दक्षिण आफ्रिका यांच्यातील सामन्याबाबत, सिकंदर रझाने नाणेफेक जिंकून प्रथम फलंदाजी करण्याचा निर्णय घेतला. प्रथम फलंदाजी करताना झिम्बाब्वेने ७ विकेट गमावून १५३ धावा केल्या. सिकंदर रझाने संघाकडून सर्वाधिक धावा काढल्या, त्याने ४३ चेंडूत ७३ धावा केल्या. त्याच्याशिवाय इतर कोणताही फलंदाज मोठी खेळी करू शकला नाही. दक्षिण आफ्रिकेकडून कॉर्बिन बॉश आणि क्वेना म्फाका यांनी प्रत्येकी दोन विकेट घेतल्या.