आदिवासी शेतकर्‍यांनो ‘ड्रोन’ घ्या, शासन देणार १०० टक्के अनुदान

न्यूक्लियस बजेट योजनेअंतर्गत आदिवासी लाभार्थ्यांसाठी प्रकल्प अधिकारी, Ekatmik Adivasi Vikas Prakalp  एकात्मिक आदिवासी विकास प्रकल्प पांढरकवडा यांच्यामार्फत ड्रोन संच खरेदीसाठी पात्र शेतकरी उत्पादक कंपन्यांकडून २० मार्चपर्यंत प्रस्ताव मागविण्यात आले आहेत. या योजनेअंतर्गत १०० टक्के आदिवासी शेतकरी सदस्य असलेल्या शेतकरी उत्पादक कंपनीच्या माध्यमातून ड्रोन संच खरेदीसाठी १०० टक्के अनुदान देण्यात येणार आहे. एफपीओमध्ये सर्व सदस्य आदिवासी शेतकरी असणे तसेच कंपनीची नोंदणी झालेली असणे आवश्यक आहे. तसेच कंपनीचे २०२४-२५ या आर्थिक वर्षाचे लेखापरीक्षण झालेले असणे आवश्यक आहे. यापेक्षा अधिक वर्षांचे लेखापरीक्षण झाले असल्यास अशा कंपन्यांना प्राधान्य दिले जाणार आहे.

 

 

 

Ekatmik Adivasi Vikas Prakalp  ही योजना जिल्ह्यातील यवतमाळ, बाभूळगाव, कळंब, राळेगाव, मारेगाव, वणी, झरी, पांढरकवडा व घाटंजी तालुक्यातील शेतकरी उत्पादक कंपन्यांसाठी लागू राहणार आहे. ड्रोनचा वापर शेतीसाठी तसेच विविध कृषी कामांसाठी करण्यात येणार आहे. शासनाच्या नियमांनुसार त्याचा वापर करणे बंधनकारक राहील. ड्रोन खरेदीची प्रकि‘या डीडी, चेक, आरटीजीएस पद्धतीने करणे आवश्यक राहील. या योजनेचे समन्वय अधिकारी म्हणून आत्माचे प्रकल्प संचालक यांची नियुक्ती करण्यात आली आहे. ड्रोन चालविण्यासाठी मान्यताप्राप्त संस्थेमार्फत रिमोट पायलट प्रशिक्षण घेणे आवश्यक असून निवड झाल्यानंतर ३० दिवसांच्या आत हे प्रशिक्षण पूर्ण करणे बंधनकारक राहील.