मोठा निर्णय! मुलांच्या व्हॉट्सअ‍ॅपला आता 'पॅरेंटिंग कंट्रोल'

WhatsApp मेटाच्या मालकीच्या मेसेजिंग अ‍ॅप व्हॉट्सअ‍ॅपने १३ वर्षांखालील मुलांसाठी पॅरेंटिंग कंट्रोल अकाउंट सुरु करण्याची घोषणा केली आहे. या नव्या फीचरअंतर्गत, पालकांच्या देखरेखीखाली लहान मुलं हा प्लॅटफॉर्म वापरू शकतील. हे पाऊल व्हॉट्सअ‍ॅपच्या धोरणात महत्त्वपूर्ण बदल मानलं जात आहे, कारण आतापर्यंत या मंचाचा वापर किमान वय १३ वर्षांपासूनच करण्याची परवानगी होती.

 

 

व्हॉट्सअ‍ॅपच्या ब्लॉगमध्ये कंपनीने म्हटले आहे की, कुटुंब आणि तज्ञांच्या सल्ल्याच्या आधारे पॅरेंट-नियंत्रित अकाउंटची व्यवस्था सुरू केली जात आहे. पालक मुलांसाठी अकाउंट तयार करू शकतील आणि त्याचा वापर फक्त मेसेज पाठवणे किंवा कॉल करण्यापुरता मर्यादित असेल. पालक मुलांची कॉन्टॅक्ट लिस्ट नियंत्रित करू शकतील, तसेच कोणतेही मेसेज एन्ड-टू-एन्ड एन्क्रिप्शनने सुरक्षित राहतील.नवीन नियंत्रण व्यवस्था पालकांच्या पिनद्वारे सुरक्षित राहील. अकाउंटवरील सेटिंग्ज पाहणे किंवा बदलणे फक्त पालकांच्या हक्कात असेल. मुलं अकाउंट वापरू शकतील, पण त्यावर पूर्ण नियंत्रण पालकांकडे राहील. कंपनीने सांगितले की, हे फीचर सध्या WhatsApp  टप्प्याटप्प्याने लागू केले जात आहे.पॅरेंट-मॅनेज्ड अकाउंटमध्ये काही फीचर्स दिलेल्या नाहीत. या अकाउंटमध्ये स्टेटस अपडेट्स, चॅनल्स किंवा मेटा एआय फीचर्सचा सपोर्ट नाही. तसेच, वन-टू-वन चॅटमध्ये गायब होणारे मेसेजही डिसेबल केले गेले आहेत. अनोळखी कॉन्टॅक्ट्सचे मेसेज एका वेगळ्या मेसेज रिक्वेस्ट फोल्डरमध्ये जातील, जे फक्त पालकांच्या पिनने स्वीकारले जाऊ शकतील. जर मुलं नवीन कॉन्टॅक्ट अ‍ॅड, ब्लॉक किंवा रिपोर्ट करतील, तर पालकांना त्याची माहिती मिळेल, ज्यामुळे मुलांच्या अ‍ॅक्टिव्हिटीवर पालकांची नजर राहील.

या नव्या फीचरमुळे लहान मुलांच्या सुरक्षित ऑनलाइन वापरास प्रोत्साहन मिळेल आणि पालकांना त्यांच्या मुलांच्या डिजिटल व्यवहारांवर प्रभावी नियंत्रण ठेवता येईल.