केंद्र सरकारकडे ६० लाख कुटुंबासाठी ‘मोठी अपील’

LPG gas shortage पश्चिम आशियातील इराण आणि अमेरिका-इस्रायल यांच्यातील युद्धामुळे देशभरात एलपीजी गॅस सिलिंडरच्या पुरवठ्याचा तुटवडा निर्माण झाला आहे. याचा परिणाम नागरिकांच्या दैनंदिन जीवनावर झाला आहे. या परिस्थितीचा सामना करण्यासाठी सरकारने एक मोठा निर्णय घेतला आहे. देशातील 60 लाख कुटुंबांना पाईपद्वारे स्वयंपाक गॅस (PNG) स्वीकारण्याची विनंती केली आहे. पेट्रोलियम आणि नैसर्गिक वायू मंत्रालयाच्या संयुक्त सचिव सुजाता शर्मा यांनी याबाबत माहिती दिली.

 

 

सुजाता शर्मा यांनी स्पष्ट केले की, जे कुटुंब PNG पायाभूत सुविधांजवळ राहतात, त्यांना पाईपद्वारे स्वयंपाक गॅस घेण्याचे आवाहन करण्यात आले आहे. यामुळे त्यांना स्थिर आणि सुरक्षित पुरवठा होईल. देशात सध्या 33.37 कोटी LPG वापरकर्ते आहेत, पण यातील 1.5 कोटी लोक पाईपद्वारे PNG गॅस वापरतात. सरकारच्या या निर्णयामुळे LPG सिलिंडरच्या तुटवड्याचा सामना करणाऱ्या कुटुंबांना एक पर्यायी उपाय मिळू शकतो.

इराण आणि LPG gas shortage  अमेरिका-इस्रायलमधील संघर्षामुळे पेट्रोलियम उत्पादनांवरील दबाव वाढला आहे, आणि याचा फायदा काही ठेकेदार आणि काळाबाजार करणारे घेत असतील, अशी शंका सरकारला आहे. पेट्रोलियम आणि नागरी पुरवठा मंत्रालयाने राज्य नागरी पुरवठा विभागांसोबत बैठका घेतल्या असून, साठेबाजी करणाऱ्यांवर कडक कारवाई करण्याचे निर्देश दिले आहेत.एलपीजी उत्पादनाच्या बाबतीत सरकारने सांगितले की, 5 मार्चपासून देशातील घरगुती एलपीजी उत्पादनात 30% वाढ झाली आहे. पॅनिक बुकिंगची गरज नाही आणि कोणत्याही एलपीजी डीलरचा स्टॉक संपलेला नाही. एलपीजी बुकिंगचा आकडा 7.57 दशलक्ष सिलिंडरपर्यंत पोहोचला आहे, जे इराण युद्धापूर्वी 5.57 दशलक्ष होते. हे पॅनिक बुकिंगचेच स्पष्ट संकेत आहेत, असे सुजाता शर्मा म्हणाल्या.सरकारने घरगुती स्वयंपाकघर, रुग्णालये आणि शैक्षणिक संस्थांसाठी एलपीजी पुरवठा अखंडित ठेवला आहे. हॉटेल आणि रेस्टॉरंट्ससारख्या व्यावसायिक संस्थांना मात्र कमी पुरवठा करण्यात आलेला आहे. केंद्र सरकारने राज्य सरकारे आणि केंद्रशासित प्रदेशांना व्यावसायिक गॅस पुरवठ्याचा पाचवा भाग वाटप करण्याचा निर्णय घेतला आहे.

 

 

इराण आणि ओमानमधील LPG gas shortage  होर्मुझची सामुद्रधुनी बंद झाल्यामुळे, जगातील सर्वात महत्वाच्या ऊर्जा वाहतूक मार्गांपैकी एक बंद झाला आहे. याचा परिणाम कच्च्या तेलाच्या आणि पेट्रोलियम उत्पादनांच्या पुरवठ्यावर झाला आहे, ज्यामुळे देशातील गॅस सिलिंडरच्या उपलब्धतेवर ताण आला आहे.सरकारने यासंदर्भात साठेबाजी आणि काळाबाजार करणाऱ्यांवर कडक कारवाई करण्याची ग्वाही दिली आहे. याशिवाय, एलपीजी सिलिंडरच्या पुरवठ्याची स्थिती सुधारण्यासाठी आवश्यक पावले उचलण्याची प्रक्रिया सुरू ठेवली आहे.