पुढच्या वेळी थेट डोक्यात थेट गोळी घालू… रॅपर बादशाहला थेट धमकी

Badshah बॉलिवूडचा प्रसिद्ध सिंगर आणि रॅपर बादशाह आपल्या गाण्यामुळे सध्या मोठ्या वादात सापडला आहे. त्याचे 'टटीरी' हे हरियाणवी गाणे हरियाणाची संस्कृती बिघडवणारे असल्याचा आरोप करत लॉरेन्स बिश्नोई गँगने त्याला थेट धमकी दिली आहे. पाणिपत येथील गोळीबाराच्या घटनेची जबाबदारी घेत फेसबुकवर एक पोस्ट करत बिश्नोई गँगने बादशाहला 2024 मध्ये केलेल्या धमकीवरून “पुढच्या वेळी तुझ्या कपाळात गोळी मारू,” अशी धमकी दिली आहे.

 

 

1 मार्च रोजी बादशाहचे 'टटीरी' हे गाणे रिलीज झाले होते. या गाण्याचे बोल आणि व्हिडिओमधील दृश्ये काहींना आक्षेपार्ह वाटली आणि त्यामुळे वाद सुरू झाला. गाण्याला विरोध करणाऱ्यांनी याची तीव्र शब्दात निंदा केली, विशेषतः महिला आयोगाने गाण्याच्या बोलांवर तक्रार दाखल केली आणि ते गाणे समाजावर वाईट प्रभाव टाकत असल्याचा आरोप केला. गाण्याच्या विवादाच्या पार्श्वभूमीवर बादशाहने सार्वजनिकपणे माफी मागितली होती, आणि त्याने स्पष्ट केले होते की त्याचा उद्देश कोणाचाही अपमान करणे नव्हता.

तथापि, या वादाने अजून ताव धरला आहे. शनिवारी (14 मार्च) पाणिपतच्या असंध रोडवरील वेस्टर्न युनियन कार्यालयावर झालेल्या गोळीबाराची जबाबदारी घेत लॉरेन्स बिश्नोई गँगने एक पोस्ट शेअर केली, ज्यात ते म्हणाले की हे गोळीबार हवाला व्यवसायाशी संबंधित असल्याचा इशारा केला आणि "हा फक्त ट्रेलर आहे" असे सांगितले. गँगने त्या पोस्टमध्ये बादशाहला धमकी दिली आहे, "तू हरियाणाची संस्कृती खराब करण्याचा प्रयत्न केला आहेस. 2024 मध्ये तुझ्या क्लबमध्ये तुला ट्रेलर दाखवला होता, पुढच्या वेळी थेट तुझ्या कपाळात गोळी मारू."या धमकीमुळे गाण्याच्या वादात एक नवा वळण आला आहे. गाण्याच्या विरोधात काही कलाकारांनी आपली मते व्यक्त केली आहेत, तर काही जण बादशाहच्या समर्थनातही उभे राहिले आहेत. त्यांच्या मते, गाण्याचा हेतू समाज किंवा महिला यांना टार्गेट करणे नव्हता. गाण्याच्या लोकप्रियतेमुळे आणि त्यामध्ये वापरण्यात आलेले शब्द लोकांच्या मनामध्ये उग्र प्रतिक्रिया निर्माण करीत आहेत.या सर्व वादावरून बॉलिवूडमधील गाण्यांच्या सामाजिक प्रभावावर चर्चा सुरू झाली आहे. गाण्यांमध्ये असलेल्या शब्दांमुळे समाजातील काही समुदायाच्या भावना दुखावल्या जातात का, याचा विचार सध्याच्या वादाच्या केंद्रस्थानी आहे. बादशाह आणि बिश्नोई गँगमधील हा वाद आणखी वाढू शकतो, कारण एकीकडे गाण्याला आक्षेप घेतला जात आहे, तर दुसरीकडे गँगच्या धमक्यामुळे परिस्थिती अधिक जटिल बनली आहे.