पुंछमध्ये भारतीय सेनेची इफ्तार पार्टी; स्थानिकांसोबत बसून रोजा सोडला

indian-armys-iftar-party-in-poonch रमजान महिन्याच्या पार्श्वभूमीवर भारतीय लष्कराने जम्मू आणि काश्मीरमधील विविध भागांमध्ये इफ्तार कार्यक्रमांचे आयोजन करत सामाजिक एकतेचा सुंदर संदेश दिला आहे. पूंछ जिल्ह्यातील नियंत्रण रेषेजवळ तैनात असलेल्या सरला बटालियनने सोमवारी विशेष इफ्तारचे आयोजन केले. या कार्यक्रमात शेकडो रोजा करणाऱ्या नागरिकांनी जवानांसोबत बसून रोजा सोडला.

 

 

या इफ्तारमध्ये मुस्लिमांसोबतच हिंदू आणि शीख समाजातील लोकांनीही सहभाग घेतला. स्थानिक मान्यवर, माजी सैनिक आणि गावकऱ्यांनी एकत्र येत शांतता व सलोख्यासाठी प्रार्थना केली. indian-armys-iftar-party-in-poonch पूंछमधील रहिवाशांनी लष्कराचे आभार मानत सांगितले की, अशा उपक्रमांमुळे समाजात एकता वाढते आणि लष्कराविषयीचा विश्वास अधिक दृढ होतो. स्थानिक नागरिकांच्या मते, भारतीय लष्कर दरवर्षी अशा प्रकारे इफ्तार कार्यक्रम आयोजित करून लोकांशी नातं अधिक मजबूत करत आहे. सैनिक आणि सामान्य नागरिक खांद्याला खांदा लावून उभे असल्याचे चित्र या उपक्रमातून पाहायला मिळाले.

याचबरोबर, श्रीनगर, कुपवारा, पूंछ आणि इतर सीमावर्ती भागांमध्येही लष्कराच्या विविध तुकड्यांनी इफ्तारचे आयोजन केले. शहरी तसेच ग्रामीण भागातील नागरिक, लहान मुले आणि ज्येष्ठ नागरिक मोठ्या संख्येने या कार्यक्रमांमध्ये सहभागी झाले. लष्कराने आयोजित केलेल्या या उपक्रमांचा मुख्य उद्देश सामाजिक सलोखा वाढवणे आणि विविध समुदायांमध्ये परस्पर विश्वास दृढ करणे हा आहे. indian-armys-iftar-party-in-poonch अशा उपक्रमांमुळे जम्मू आणि काश्मीरमध्ये शांतता आणि एकतेचा संदेश अधिक बळकट होत असल्याचे चित्र स्पष्ट झाले आहे.