राष्ट्रीय महामार्गावर तेल टँकर उलटला; २०० मीटर रस्ता जळला, एकाच मृत्यू, VIDEO

oil-tanker-overturns-rajasthan राजस्थानमधील जालोर येथे राष्ट्रीय महामार्ग ४८ वर एक मोठा अपघात झाला. बुधवारी दुपारी २ वाजण्याच्या सुमारास महामार्गावर एक तेल टँकर उलटला आणि त्याला आग लागली. ही आग २०० मीटर लांबीच्या रस्त्यावर पसरली. या दुःखद घटनेत एक व्यक्ती जिवंत जळाला, तर दुसरी व्यक्ती वेळेवर बाहेर पडण्यात यशस्वी झाली. अपघातामुळे घटनास्थळी गोंधळ उडाला आणि एका बाजूची वाहतूक थांबवण्यात आली.

 

 

हा अपघात बुधवारी दुपारी २ वाजण्याच्या सुमारास घडला. मिळालेल्या माहितीनुसार, टँकर बारमेरहून सांचोरकडे जात होता. जैसलमेर-जामनगर (गुजरात) महामार्गावरील सिनवाडा ओव्हरब्रिजवर टँकरवरील नियंत्रण सुटले, ज्यामुळे तो उलटला, महामार्गावर तेल सांडले आणि त्याला आग लागली. oil-tanker-overturns-rajasthan टँकरमधील ज्वलनशील पदार्थामुळे आग वेगाने पसरली आणि सुमारे २०० मीटरचा रस्ता आगीच्या भक्ष्यस्थानी पडला. या घटनेत एक व्यक्ती जिवंत जळाली.

अपघाताची माहिती मिळताच, सांचोरचे उपविभागीय दंडाधिकारी (एसडीएम) प्रमोद कुमार आणि सिनवाडा चौकीतील पोलीस घटनास्थळी दाखल झाले. oil-tanker-overturns-rajasthan सांचोरहून अग्निशमन दलाचे एक वाहनही घटनास्थळी पोहोचले आणि आग विझवण्याचे प्रयत्न सुरू केले. चितळवाना पोलीस ठाण्याचे अधिकारी भंवरलाल गुडीयासर यांनी सांगितले की, टँकरमध्ये नेमका कोणता ज्वलनशील पदार्थ होता हे अद्याप कळलेले नाही. जीजे-१२-बीझेड-९८२० क्रमांकाचा हा टँकर गुजरातच्या भारत पेट्रोलियम कंपनीचा होता. या प्रकरणाचा तपास सध्या सुरू आहे.