अफगाणिस्तानवरील हल्ल्यानंतर पाकिस्तान सुपर लीग धोक्यात

Pakistan Super League in danger पाकिस्तान क्रिकेट बोर्डाने पाकिस्तान सुपर लीगच्या पुढील हंगामासंबंधी स्पष्ट भूमिका मांडली आहे. पीएसएलचा अकरावा हंगाम २६ मार्चपासून सुरू होणार असून, या स्पर्धेत परदेशी खेळाडूंसह पाकिस्तानचे क्रिकेटपटूही भाग घेणार आहेत. बोर्डाच्या माहितीप्रमाणे परदेशी खेळाडूंच्या सुरक्षा आणि प्रवासासाठी कोणताही धोका नाही. मात्र, पाकिस्तनने अफगाणिस्तानवर केलेल्या हवाई हल्ल्यामुळे तणाव निर्माण झाला आहे. मीडिया रिपोर्टनुसार ऑस्ट्रेलियन क्रिकेट बोर्डाने त्यांच्या खेळाडूंना काही शहरांमध्ये प्रवास न करण्याचा सल्ला दिला होता, विशेषतः पेशावर येथे होणाऱ्या सामन्यामुळे.

 

 

 

पाकिस्तान क्रिकेट बोर्डाने या वृत्तांचे खंडन करत सांगितले आहे की सर्व प्रवासाच्या योजना तयार आहेत आणि करारबद्ध ऑस्ट्रेलियन खेळाडू पुढील आठवड्यात यायला सुरूवात करतील. स्टीव्ह स्मिथ, डेव्हिड वॉर्नर, अॅडम झाम्पा, पीटर सिडल, अॅरॉन हार्डी, मार्नस लॅबुशेन, अॅश्टन टर्नर, जॅक फ्रेझर मॅकगर्क, जोश फिलिप, रायली मेरेडिथ आणि बेन डर्मॉट हे ऑस्ट्रेलियन खेळाडू या हंगामात भाग घेणार आहेत. बोर्डाने भूतकाळातील आव्हानांचा स्वीकार केला असून, परिस्थितीच्या अनुषंगाने सर्व उपाययोजना केल्या आहेत.