भारतात दोन अमेरिकन पर्यटकांवर गुन्हा दाखल; संवेदनशील भागात ड्रोन उडवत होते

american-tourists-in-india भारतातील कोची येथे, सुरक्षेच्या दृष्टीने संवेदनशील भागात ड्रोन उडवल्याच्या आरोपावरून दोन अमेरिकन पर्यटकांवर गुन्हा दाखल करण्यात आला आहे. फोर्ट कोची येथील तटरक्षक दलाच्या मुख्यालयाजवळ हे पर्यटक ड्रोन उडवताना पकडले गेले. पोलिसांनी त्यांना ताब्यात घेऊन त्यांचे साहित्य जप्त केले. हा परिसर 'रेड झोन' म्हणून घोषित करण्यात आला आहे, जिथे ड्रोन उड्डाणांवर कठोर बंदी आहे.

 

 

मिळालेल्या माहितीनुसार, ही घटना शनिवारी सकाळी घडली, जेव्हा केटी मिशेल फेल्प्स (३२) आणि क्रिस्टोफर रॉस हार्वे (३५) हे दोन अमेरिकन नागरिक फोर्ट कोची येथील तटरक्षक दलाच्या मुख्यालयाजवळ ड्रोनने चित्रीकरण करताना दिसले. दोघेही कॅलिफोर्नियाचे रहिवासी असून पर्यटक म्हणून कोची येथे आले होते. american-tourists-in-india ड्रोन उडताना दिसताच पर्यटन पोलिसांनी तात्काळ कारवाई करून त्यांना थांबवले. सुरक्षेच्या कारणास्तव 'रेड झोन' म्हणून घोषित केलेल्या भागांमध्ये फोर्ट कोचीचा समावेश होतो. जवळच नौदल आणि तटरक्षक दलाचे महत्त्वाचे तळ असल्याने नियमांनुसार येथे ड्रोन उडवण्यास कठोर बंदी आहे. पोलिसांच्या म्हणण्यानुसार, या पर्यटकांना या परिसरात ड्रोन उडवण्याची परवानगी नव्हती.

पोलिसांनी घटनास्थळीच दोन्ही आरोपींकडून एक ड्रोन आणि एक लॅपटॉप जप्त केला. american-tourists-in-india त्यांचा उद्देश निश्चित करण्यासाठी त्यांची चौकशी व तपास करण्यात आला. त्या दोघांविरुद्ध गुन्हा दाखल करण्यात आला आहे. अधिकाऱ्यांनी सांगितले की, दोन्ही पर्यटकांना नोटीस देऊन सोडून देण्यात आले आहे. तपास पुढे जाईल तसे त्यांना पुन्हा पोलिसांसमोर हजर व्हावे लागेल. या प्रकरणाचा सध्या तपास सुरू असून, सुरक्षा यंत्रणादेखील या घटनेचा गांभीर्याने आढावा घेत आहेत.