रोहित शेट्टीच्या घरफोडी प्रकरणात मुख्य आरोपी प्रदीप आग्रेत अटकेत

Rohit Shetty प्रसिद्ध चित्रपट निर्माते रोहित शेट्टी यांच्या मुंबईतील निवासस्थानी झालेल्या गोळीबार प्रकरणात पोलिसांना मोठे यश मिळाले आहे. या धक्कादायक घटनेतील फरार आरोपी प्रदीप शर्मा उर्फ गोलू याला उत्तर प्रदेशातील आग्रा येथून अटक करण्यात आली आहे. उत्तर प्रदेश विशेष कार्यबल आणि मुंबई गुन्हे शाखेच्या संयुक्त कारवाईत ही अटक करण्यात आली.

 

 

१ ते २ फेब्रुवारी २०२६ च्या मध्यरात्री मुंबईतील रोहित शेट्टी यांच्या निवासस्थानी गोळीबाराची घटना घडली होती. या प्रकरणामागे कुख्यात शुभम लोणकर गँग असल्याचे तपासात उघड झाले आहे. चित्रपटसृष्टीत आणि सर्वसामान्यांमध्ये दहशत निर्माण करून खंडणी उकळण्याचा या टोळीचा उद्देश असल्याचे पोलिसांनी सांगितले आहे. या प्रकरणी मुंबई गुन्हे शाखेने गंभीर कलमांखाली गुन्हा नोंदवून तपास सुरू केला होता.

अटक करण्यात आलेला Rohit Shetty प्रदीप शर्मा हा आग्र्यातील महावीर नगर परिसरातील रहिवासी असून त्याचे वय सुमारे २३ वर्षे आहे. २१ मार्च रोजी दुपारी सुमारे ३:५० वाजता आग्रा येथील बाह परिसरातून त्याला अटक करण्यात आली. गुप्त माहितीच्या आधारे पोलिसांनी सापळा रचत ही कारवाई केली.प्राथमिक चौकशीत आरोपीने महत्त्वाची माहिती दिली आहे. सामाजिक माध्यमांवर शुभम लोणकर गँग संबंधित पोस्ट पाहून तो या टोळीच्या प्रभावाखाली आला आणि त्यांच्यात सामील झाला, अशी कबुली त्याने दिली आहे. त्याने आपल्या साथीदारांसह यापूर्वीही गोळीबाराच्या घटनांमध्ये सहभाग घेतल्याचे समोर आले आहे. तसेच, यापूर्वी शस्त्रासह पकडला जाऊन तो कारागृहातही गेला असल्याची माहिती पोलिसांनी दिली.