भारत-ऑस्ट्रेलिया यांच्यात ५ कसोटी सामन्यांची बॉर्डर गावस्कर ट्रॉफी; संपूर्ण वेळापत्रक

IND vs AUS : भारत आणि ऑस्ट्रेलिया यांच्यातील प्रदीर्घ कसोटी मालिकेची तयारी पुन्हा सुरू झाली आहे. ही मालिका बॉर्डर-गावस्कर ट्रॉफी म्हणूनही ओळखली जाते. ही मालिका जागतिक कसोटी चॅम्पियनशिपचा भाग म्हणून खेळवली जाणार असल्याने तिचे महत्त्व अधिकच वाढले आहे. मालिकेला अजून काही काळ बाकी असला तरी, बीसीसीआयने तिचे वेळापत्रक अगोदरच जाहीर केले आहे. जागतिक कसोटी चॅम्पियनशिपच्या अंतिम सामन्यात खेळायचे असेल, तर भारतीय संघासाठी ही मालिका अत्यंत महत्त्वाची असेल.

 

 

 

 

 

यावेळी ऑस्ट्रेलियन संघ बॉर्डर-गावस्कर ट्रॉफीसाठी भारतात येणार आहे. या मालिकेत पाच कसोटी सामने खेळले जातील. ही मालिका जानेवारीच्या अखेरीस सुरू होईल आणि मार्चच्या सुरुवातीपर्यंत चालेल. हे सामने नागपूर, चेन्नई, गुवाहाटी, रांची आणि अहमदाबाद येथे खेळवले जातील. बीसीसीआयच्या मालिकेच्या वेळापत्रकानुसार, नागपूरमध्ये खेळला जाणारा पहिला सामना २१ जानेवारी रोजी सुरू होईल. दुसरा सामना २९ जानेवारी ते ३० फेब्रुवारी दरम्यान चेन्नईमध्ये खेळला जाईल. मालिकेतील तिसरा सामना ११ फेब्रुवारी रोजी गुवाहाटी येथे खेळला जाईल. चौथा सामना १९ फेब्रुवारी रोजी रांची येथे खेळला जाईल. मालिकेतील अंतिम आणि पाचवा सामना २७ फेब्रुवारी ते ३ मार्च दरम्यान अहमदाबाद येथील ऐतिहासिक नरेंद्र मोदी स्टेडियमवर खेळला जाईल.

 

 

ऑस्ट्रेलियाविरुद्धची ही मालिका भारतासाठी खूप महत्त्वाची आहे. असे मानले जाते की, ही मालिका टीम इंडिया पुढील वर्षीच्या जागतिक कसोटी चॅम्पियनशिपच्या अंतिम फेरीत पोहोचेल की नाही हे ठरवेल. तथापि, यापूर्वी भारतीय संघ इतर अनेक देशांविरुद्ध कसोटी मालिका खेळेल, ज्या टीम इंडियाला जिंकाव्या लागतील. बीसीसीआयने वेस्ट इंडिज, श्रीलंका आणि झिम्बाब्वे यांच्याविरुद्ध घरच्या मैदानावर होणाऱ्या मालिकांचे वेळापत्रक जाहीर केले आहे. ऑस्ट्रेलिया व्यतिरिक्त, टीम इंडिया उर्वरित संघांविरुद्ध एकदिवसीय आणि टी-२० आंतरराष्ट्रीय सामने खेळेल. हे सर्व संघ भारताचा दौरा करतील.

 

 

पहिली कसोटी: २१ जानेवारी ते २५ जानेवारी (नागपूर)

दुसरी कसोटी: २९ जानेवारी ते २ फेब्रुवारी (चेन्नई)

तिसरी कसोटी: ११ फेब्रुवारी ते १५ फेब्रुवारी (गुवाहाटी)

चौथी कसोटी: १९ फेब्रुवारी ते २३ फेब्रुवारी (रांची)

पाचवी कसोटी: २७ फेब्रुवारी ते ३ मार्च (अहमदाबाद)