अयोध्येत सूर्यकिरणांचा रामलल्लाचा टिळा! बघा मनमोहक video

Ramlalla's mound of sun rays अयोध्येत चैत्र शुक्ल नवमीच्या शुभ मुहूर्तावर भव्य वातावरणात रामनवमी साजरी होत आहे. यानिमित्त प्रभू रामाच्या अयोध्येत विशेष तयारी करण्यात आली असून, दुपारी १२ वाजता रामलल्लाच्या कपाळावर सूर्यकिरणांनी अभिषेक केला. सूर्यवंशी असलेल्या रामलल्लाच्या जन्माशी अनुरूप, सूर्यदेवाच्या किरणांनी चार मिनिटांसाठी त्यांचे कपाळ उजळून निघाले होते. यादरम्यान भारताचे पंतप्रधान नरेंद्र मोदी यांनी अप्रत्यक्ष या घटनेचे साक्षीदार होत रामल्लाकडे प्रार्थना करताना दिसले.    

 

 

 

रामनवमीनिमित्त सकाळपासून रामलल्लाचे विविध पूजन करण्यात आले. त्यांना दूध, दही, मध आणि शरयू नदीच्या पाण्याने स्नान घालण्यात आले. त्यानंतर मौल्यवान दागिने आणि सुंदर पोशाख परिधान करून सजवण्यात आले आहे. श्री राम जन्मभूमी मंदिरासह संपूर्ण अयोध्येत कडक सुरक्षा व्यवस्था तैनात करण्यात आली आहे. भाविकांची प्रचंड गर्दी लक्षात घेता, ड्रोन आणि सीसीटीव्ही कॅमेऱ्यांच्या माध्यमातून संपूर्ण परिसराचे पाळत ठेवले जात आहे.

 

 

भारतीय खगोलभौतिकी संस्थेने सूर्याच्या हालचाली आणि किरणांचा अभ्यास करून या अनोख्या सूर्य टिळक योजनेची आखणी केली. रुरकी येथील केंद्रीय इमारत संशोधन संस्थेने प्रयोगशाळेत चाचण्या करून यंत्रणा यशस्वी असल्याची खात्री केली. नंतर बंगळुरू-स्थित संस्थेतून अत्याधुनिक उपकरण राम मंदिरात बसवण्यात आले, ज्यामुळे आरसे आणि भिंगांच्या मदतीने सूर्यकिरणे अचूकपणे रामलल्लाच्या कपाळावर निर्देशित केली जात आहेत.