५० % पर्यंत महाग होऊ शकतात कंडोम

Condoms expensive देशात कंडोमच्या किमती ५० % पर्यंत वाढू शकतात, कारण अमेरिका-इराणमधील युद्धामुळे पुरवठा साखळी विस्कळीत झाली आहे. यामुळे तेल आणि गॅसनंतर आता कंडोम बनवण्यासाठी वापरल्या जाणाऱ्या कच्च्या मालाची टंचाई निर्माण झाली आहे.

 

 

Condoms expensive लाइफकेअर, मॅनकाइंड फार्मा आणि क्यूपिड लिमिटेड सारख्या कंडोम बनवणाऱ्या मोठ्या कंपन्यांना अमोनिया आणि सिलिकॉन तेलाच्या कमतरतेचा सामना करावा लागत आहे.

अहवालात उद्योग तज्ञांनी दावा केला आहे की, इनपुट कॉस्ट वाढल्यामुळे बाजारात अनिश्चिततेचे वातावरण आहे आणि किमती ४०  ते ५० % पर्यंत वाढू शकतात.

Condoms expensive भारताची कंडोम बाजारपेठ सुमारे १.७  अब्ज डॉलर (सुमारे १४  हजार कोटी रुपये) इतकी आहे. कंडोम निर्मितीसाठी आवश्यक असलेल्या ’एनहायड्रस अमोनिया’साठी भारत ८६ % आयातीवर अवलंबून आहे, जो प्रामुख्याने सौदी अरेबिया, कतार आणि ओमानसारख्या आखाती देशांतून येतो. हॉर्मुझ मार्गातील युद्धामुळे जहाजांच्या वाहतुकीवर परिणाम झाल्याने पुरवठा थांबला आहे. अमोनियाचा वापर लेटेक्स (रबर) गोठण्यापासून वाचवण्यासाठी आणि ते सुरक्षित ठेवण्यासाठी केला जातो. याशिवाय कंडोम बनवणाऱ्या यंत्रांमध्ये कच्च्या मालाचा वापर होऊ शकत नाही.

Condoms expensive कंडोम निर्मितीमध्ये वंगण म्हणून वापरल्या जाणाऱ्या सिलिकॉन तेलाच्या किमती वाढल्या आहेत. हे प्रामुख्याने चीनमधून येते, परंतु याची पुरवठा साखळी रिफायनरी प्रक्रिया आणि जागतिक लॉजिस्टिक्सशी जोडलेली आहे.

एका प्रमुख कंपनीच्या वरिष्ठ अधिकाऱ्याने सांगितले की, कच्च्या मालासोबतच पीव्हीसी फॉइल, ॲल्युमिनियम फॉइल आणि इतर रसायनांच्या किमतीही अस्थिर आहेत. जागतिक पुरवठादारांकडून माल न मिळाल्याने उत्पादन आणि ऑर्डर्स पूर्ण करण्यास विलंब होत आहे.

Condoms expensive इंडियन मेडिकल असोसिएशनचे माजी अध्यक्ष राजीव जयदेवन यांच्या मते, कंडोमच्या किमतींमध्ये किरकोळ वाढ देखील समाजातील आर्थिकदृष्ट्या दुर्बळ घटकांना प्रभावित करते. जर किमती वाढल्या, तर गर्भनिरोधकांचा वापर कमी होऊ शकतो. याचा थेट परिणाम अनपेक्षित गर्भधारणा, माता मृत्यू दर आणि बाल मृत्यू दरावर होईल. यासोबतच, लैंगिक संक्रमित रोगांची प्रकरणेही वाढू शकतात. भारत सरकारचे उद्दिष्ट २०३०  पर्यंत आधुनिक गर्भनिरोधक पद्धतींची मागणी ७५ % पर्यंत पूर्ण करणे आहे, परंतु या तुटवड्यामुळे राष्ट्रीय कुटुंब नियोजन कार्यक्रमाच्या उद्दिष्टांना धक्का बसू शकतो.