पीएमपीच्या विधी अधिकाऱ्यांचे कार्यालय केले सील

PMPML पुणे महानगर परिवहन महामंडळाच्या (पीएमपीएमएल) विधी अधिकाऱ्यांचे कार्यालय प्रशासनाकडून सील करण्यात आल्याची धक्कादायक घटना समोर आली आहे. संबंधित अधिकाऱ्यांविरोधात गंभीर अनियमिततेच्या पार्श्वभूमीवर ही कारवाई करण्यात आल्याची माहिती समोर येत असून, यामुळे पीएमपीएमएलमध्ये खळबळ उडाली आहे.

 

 

मिळालेल्या माहितीनुसार, पीएमपीएमएलमधील विधी अधिकारी धनेश्वर जाधव यांच्या कार्यालयावर ही कारवाई करण्यात आली. प्रशासनाने अचानक ही कारवाई करत कार्यालय सील केले असून, संबंधित प्रकरणाची सखोल चौकशी सुरू करण्यात आली आहे. या घटनेमुळे परिवहन महामंडळाच्या कारभारावर प्रश्नचिन्ह उपस्थित केले जात आहे. सूत्रांनी दिलेल्या माहितीनुसार, काही प्रशासकीय व कायदेशीर प्रक्रियांमध्ये अनियमितता झाल्याचा संशय व्यक्त करण्यात आला होता. त्यानंतर वरिष्ठ अधिकाऱ्यांनी हस्तक्षेप करून प्राथमिक PMPML  तपास सुरू केला. तपासादरम्यान काही बाबी गंभीर स्वरूपाच्या आढळल्याने तातडीने कार्यालय सील करण्याचा निर्णय घेण्यात आला.दरम्यान, या कारवाईनंतर पीएमपीएमएलमध्ये कार्यरत इतर अधिकारी आणि कर्मचाऱ्यांमध्येही संभ्रमाचे वातावरण निर्माण झाले आहे. प्रशासनाने या प्रकरणात पारदर्शक चौकशी केली जाईल आणि दोषींवर कठोर कारवाई करण्यात येईल, असे स्पष्ट संकेत दिले आहेत.

 

या घटनेमुळे सार्वजनिक वाहतूक व्यवस्थेतील प्रशासनिक कामकाजावर परिणाम होण्याची शक्यता व्यक्त केली जात आहे. नागरिकांच्या सेवांवर कोणताही परिणाम होऊ नये यासाठी पर्यायी व्यवस्था करण्यात येत असल्याचेही सांगण्यात येत आहे. पुढील तपासानंतर या प्रकरणातील अधिक तपशील समोर येण्याची शक्यता आहे.