शांघाय-कोलकाता थेट विमानसेवा सुरू

Shanghai-Kolkata direct flight भारत आणि चीनमधील हवाई संपर्क आता आणखी मजबूत झाला आहे. इंडिगो एअरलाइन्सने शांघाय ते कोलकाता दरम्यान आपली दैनंदिन विमानसेवा सुरू केली. या विमानसेवेचे उद्घाटन शांघायमधील भारतीय वाणिज्य दूतावासाचे महावाणिज्यदूत प्रतीक माथूर यांच्या हस्ते करण्यात आले. या प्रसंगी माथूर यांनी इंडिगोच्या व्यवस्थापन टीमचीही भेट घेतली.

 

 

 

माथूर म्हणाले की, वाढलेल्या हवाई संपर्कामुळे आर्थिक संबंध अधिक दृढ होतील आणि भारताच्या ईशान्य भागाच्या विकासाला गती मिळेल. त्यांनी नवीन विमानसेवेने दोन्ही देशांमधील आत्मविश्वास आणि उत्साह वाढवण्यास मदत होईल, असेही स्पष्ट केले. शांघायशी जोडले जाणारे कोलकाता हे नवी दिल्ली नंतरचे दुसरे भारतीय महानगर ठरले आहे. अधिकाऱ्यांच्या माहितीनुसार, एअर चायना २१ एप्रिलपासून बीजिंग आणि नवी दिल्ली दरम्यान थेट विमानसेवा सुरू करण्याची योजना आखत आहे. या नवीन कनेक्टिव्हिटीमुळे कोलकाता आणि शांघाय या दोन्ही शहरांच्या नेतृत्वाखाली पूर्व भारत आणि पूर्व चीन यांच्यातील व्यावसायिक आणि सामाजिक संबंध अधिक दृढ होतील, असा विश्वास व्यक्त केला जात आहे.