तीन वर्षांत पगार 3 लाखांवरून 80 लाखांपर्यंत, तरुणाच्या दाव्याने लोक आश्चर्यचकित

software-engineer-salary-hike : बंगळुरूमधील एका २६ वर्षीय सॉफ्टवेअर अभियंत्याची यशोगाथा सध्या सोशल मीडियावर चर्चेचा विषय ठरली आहे. अवघ्या तीन वर्षांत त्याने आपल्या वार्षिक पगारात तब्बल वाढ करत ३.२ लाखांवरून ८० लाख रुपयांपर्यंत मजल मारल्याचा दावा केला आहे.

 

 

 

 

मिळालेल्या माहितीनुसार, या अभियंत्याने आपल्या करिअरची सुरुवात २०२१ मध्ये टाटा कन्सल्टन्सी सर्व्हिसेस (TCS) मध्ये केली, तेव्हा त्याचा पगार ३.२ लाख रुपये वार्षिक होता. त्यानंतर त्याने नोकऱ्या बदलत आपले कौशल्य विकसित केले आणि पुढे एका स्टार्टअपमध्ये सुमारे १४-१५ लाख रुपयांच्या पॅकेजवर काम केले.

 

यानंतर २०२५ मध्ये त्याने मोठी झेप घेत गुगलमध्ये प्रवेश मिळवला, जिथे त्याचा पगार थेट ८० लाख रुपये वार्षिक झाला. या यशामागे सततचे कौशल्यविकास, डेटा स्ट्रक्चर आणि अल्गोरिदमचा सखोल अभ्यास तसेच सातत्यपूर्ण मेहनत हे प्रमुख घटक असल्याचे त्याने सांगितले. त्याने दररोज अनेक तास कोडिंग सराव करून शेकडो समस्या सोडवल्या.

 

 

 

सौजन्य: सोशल मीडिया 

 

 

दरम्यान, सोशल मीडियावर या दाव्यावर मिश्र प्रतिक्रिया उमटल्या आहेत. काहींनी त्याचे कौतुक केले, तर काहींनी एवढ्या मोठ्या पगारवाढीवर प्रश्नचिन्ह उपस्थित केले. तरीही, या यशोगाथेमुळे तरुणांना प्रेरणा मिळत असल्याचे चित्र आहे.