नितीश यांची मुख्यमंत्रीपद सोडण्याची घोषणा; राज्यसभेत जाण्याबाबत दिली प्रतिक्रिया

cm-nitish-reacts-to-joining-rajya-sabha नितीश कुमार यांनी येत्या राज्यसभा निवडणुकीच्या पार्श्वभूमीवर संसदेच्या वरिष्ठ सभागृहाचे सदस्य होण्याची इच्छा जाहीर केली आहे. त्यांनी समाजमाध्यमावर केलेल्या संदेशातून ही आकांक्षा व्यक्त करत आपल्या राजकीय प्रवासातील एक जुने स्वप्न पूर्ण करण्याची वेळ आल्याचे सांगितले. गेल्या दोन दशकांहून अधिक काळ त्यांनी बिहारच्या राजकारणात सक्रिय भूमिका बजावत राज्याच्या नेतृत्वाची धुरा सांभाळली. आता संसदीय कार्यात सहभागी होऊन देशाच्या पातळीवर योगदान देण्याची त्यांची इच्छा असल्याचे त्यांनी स्पष्ट केले आहे.

 

 

आपल्या संदेशात त्यांनी नमूद केले की राजकीय जीवनाच्या सुरुवातीपासूनच बिहार विधानमंडळातील दोन्ही सभागृहे तसेच देशाच्या संसदेतील दोन्ही सभागृहांचा सदस्य होण्याची त्यांची मनापासून इच्छा होती. विधानसभेपासून विधान परिषदेपर्यंत आणि लोकसभेपासून राज्यसभेपर्यंत सर्व स्तरांवर काम करण्याचे स्वप्न त्यांनी जपले होते. त्या स्वप्नाच्या दिशेने आता पाऊल टाकण्याची संधी मिळत असल्याचे त्यांनी म्हटले आहे. cm-nitish-reacts-to-joining-rajya-sabha त्याचबरोबर बिहारच्या विकासासाठी आपली बांधिलकी कायम राहील, असेही त्यांनी ठामपणे सांगितले. राज्यात पुढे स्थापन होणाऱ्या नव्या सरकारला आपले पूर्ण सहकार्य आणि मार्गदर्शन मिळत राहील, असे त्यांनी स्पष्ट केले. नितीश कुमार यांच्या या निर्णयामुळे बिहारच्या सत्तासमीकरणात मोठे बदल घडण्याची शक्यता व्यक्त केली जात असून राज्याच्या राजकारणात नवे समीकरण निर्माण होण्याचे संकेत मिळत आहेत.