अभिनव विचार मंचचे एक पाऊल कॅन्सर मुक्त हिंगणघाटकडे

cancer-free-hinganghat : कर्करोग तपासणीच्या गरजेबद्दल जागरूकता पसरवण्यासाठी जागतिक महिला दिनानिमित्त, अभिनव विचार मंच व महिला पतंजली योग समिती, हिंगणघाटच्या वतीने कर्करोगाच्या विविध प्रकारांबद्दल आणि लवकर निदान झाल्यास चांगले उपचार कसे मिळू शकतात, याबद्दल जागरूकता निर्माण करण्यासाठी एक पाऊल कॅन्सर मुत हिंगणघाटकडे नावाचा एक उपक्रम हाती घेतला. कर्करोगाविषयीच्या चर्चांना अग्रभागी आणण्याच्या आग्रहाने, अभिनव विचार मंचने एका आकर्षक मोहिमेद्वारे लोकांना कर्करोगापासून दूर राहण्यासाठी तपासणी व मार्गदर्शन शिबिराचे आयोजन ८ रोजी सकाळी १०.३० वाजता माहेश्वरी भवन येथे केले आहे.

 

 

 

या शिबिराचे उद्घाटन नगराध्यक्ष डॉ. नयना तुळसकर करणार असून प्रमुख अतिथी म्हणून श्रद्धा कुणावार राहतील. कर्करोगाच्या काळजीमध्ये लवकर निदान आणि नियमित तपासणीचे महत्त्व यावर प्रकाश टाकला जाणार आहे. विविध प्रकारच्या कर्करोगांबद्दल जागरूकता निर्माण करणे आणि लवकर निदानाच्या कारणाला पाठिंबा देण्यासाठी प्रभावशाली व्यती डॉ. मुकूल घरोटे व डॉ. मनीष माथनकर तथा डॉ. सीमा मानधनिया आणि महिलांना आमंत्रित केले आहे. हिंगणघाट शहर व तालुयातील सर्व महिलांनी या मोफत तपासणी शिबिराचा लाभ घ्यावा, असे आवाहन प्राची पाचखेडे, विद्या पेंडके, लीना सुकलकर, सुवर्णा रेवतकर, प्रीती मुडे, सीमा बिरे, ममता नागरकर, मीनाक्षी डोळसकर, शिखा गहेरवार, विणा आडे, हर्षा बोरकर, कांचन खत्री, प्रीती बोबडे, प्रीती सोनकुसरे, राजश्री देवडे, वैशाली चरडे, शितल राऊत, सुलभा उरकुडकर, आदींनी केले.