सिम्बॉयसिसमध्ये मराठी भाषा गौरव दिन साजरा

Symbiosis Center सिम्बायोसिस सेंटर फॉर मॅनेजमेंट स्टडीज, नागपूर येथे २७ फेब्रुवारी २०२६ रोजी मराठी भाषा गौरव दिन उत्साहात साजरा करण्यात आला. या उपक्रमातून मातृभाषेचे संवर्धन व सांस्कृतिक मूल्यांचे जतन करण्याची संस्थेची बांधिलकी अधोरेखित करण्यात आली.

 

 

 

कार्यक्रमाला प्रमुख पाहुण्या म्हणून डॉ. वैशाली चोपडे (संचालिका, साकारदृष्टी सोशल फाउंडेशन) तर वक्त्या म्हणून कुटुंब व विवाह समुपदेशक गौरी बेलन उपस्थित होत्या.Symbiosis Center कार्यक्रमाचे आयोजन संचालक डॉ. समीर पिंगळे यांच्या मार्गदर्शनाखाली पार पडले. समन्वयन पल्लवी चौधरी व डॉ. सारिका केसवानी यांनी केले.यावेळी भाषण व नृत्य स्पर्धांचे आयोजन करण्यात आले होते. विद्यार्थी, प्राध्यापक व कर्मचाऱ्यांनी उत्स्फूर्त सहभाग नोंदवून कार्यक्रमाची शोभा वाढवली. कार्यक्रमाचा समारोप प्रेरणादायी वातावरणात झाला.