विश्वासू कामगारच चोर.. १८ कोटी रुपयांचे सोने लंपास

jeweler पुण्यातील लक्ष्मी रस्त्यावरील एका प्रसिद्ध सराफ पेढीत धक्कादायक घटना घडली आहे, ज्यात एक विश्वासू कामगारच तब्बल १८ कोटी रुपयांच्या सोने आणि रोख रकमेवर डल्ला मारण्याच्या कारनाम्यात सामील झाला. पुणे पोलिसांच्या खंडणीविरोधी पथकाने या गुन्ह्याचा छडा लावत तिघांना अटक केली असून, त्यांच्याकडून ५.२४ कोटी रुपयांचा मुद्देमाल जप्त केला आहे.

 

 

मिळालेल्या माहितीनुसार, लक्ष्मी रस्त्यावरील सराफ पेढीने मार्च महिन्यात कंपनीचे वार्षिक लेखापरीक्षण आणि दागिन्यांच्या शिलकीची तपासणी केली. यावेळी १२ किलो ८०० ग्रॅम सोन्याचे दागिने (ज्याची किंमत अंदाजे १८ कोटी रुपये आहे) आणि ७२ लाख रुपये रोख रकमेची मोठी तूट आढळली. इतक्या मोठ्या प्रमाणावर स्टॉक गायब झाल्याने सराफांच्या पायाखालची जमीन सरकली, आणि त्वरित आंतर्गत चौकशी सुरू करण्यात आली.

अंतर्गत चौकशीदरम्यान, jeweler  दुकानात काम करणारा ६१ वर्षीय प्रशांत कांतिलाल बर्मे याचा नाव समोर आला. बर्मेने दागिने आणि रोकड लंपास करून एका महिलेच्या मदतीने अफरातफर केल्याचे उघडकीस आले. त्यानंतर, या प्रकरणी विश्रामबाग पोलीस ठाण्यात गुन्हा दाखल करण्यात आला, मात्र आरोपी फरार झाला होता.पोलिसांना मिळालेल्या माहितीनुसार, खंडणी विरोधी पथकाचे पोलीस निरीक्षक प्रताप राजमाने यांच्या नेतृत्वात तपास सुरू झाला. पोलिसांना माहिती मिळाली की, आरोपी प्रशांत बर्मेचा अहिल्यानगर जिल्ह्यातील केडगाव भागात लपून बसला आहे. तातडीने छापा टाकल्यावर बर्मेचा याच्यासह रमाकांत महादेव पराळे (वय ६२) आणि मधू उर्फ महेश्वरी पराळे (वय २२) यांना अटक करण्यात आली.तपासादरम्यान पोलिसांनी आरोपींच्या ताब्यातून ३ किलो ५५२ ग्रॅम वजनाचे सोन्याचे दागिने आणि इतर मालमत्ता असा एकूण ५ कोटी २४ लाखांचा मुद्देमाल जप्त केला आहे. यावरून सराफ पेढीत मोठ्या प्रमाणावर चोरीची घटना घडल्याची खात्री पटली आहे. उर्वरित १३ किलो सोनं आणि ७२ लाख रुपयांची रोख रक्कम कुठे आहे, याचा तपास सुरू आहे.पोलिसांना आशा आहे की, या तपासामुळे अजून काही महत्त्वाची माहिती मिळेल, ज्यामुळे चोरी केलेल्या अन्य मालमत्तेची स्थानिके समोर येऊ शकेल. तसेच, सराफ पेढीतील चोरीच्या नेटवर्कचा अधिक तपास केला जाईल. पोलिसांनी आरोपींविरुद्ध कठोर कारवाई करण्याचा निर्धार केला आहे.