निर्णय द्या! आंदोलन करण्याची हौस नाही

Manoj Jarange Patil मराठा आरक्षणाच्या मुद्द्यावर राज्यात सुरू असलेल्या घडामोडींना पुन्हा एकदा वेग आला असून, मराठा आंदोलनाचे नेते मनोज जरांगे-पाटील आणि भाजप नेते प्रसाद लाड यांच्यात झालेल्या महत्त्वपूर्ण भेटीनंतर या प्रश्नावर राजकीय तसेच सामाजिक वर्तुळात नव्या चर्चेला सुरुवात झाली आहे. या भेटीत मराठा समाजाच्या आरक्षणाच्या मागण्यांबाबत सविस्तर चर्चा झाल्याचे समजते.

 

 

माध्यमांशी बोलताना मनोज जरांगे पाटील म्हणाले, "आम्ही सरकारविरोधात नाही. जर सरकार आमच्या सर्व मागण्या मान्य करणार असेल, तर आम्हाला आंदोलन करण्याची हौस नाही. प्रसाद लाड यांनी २३ तारखेपर्यंत मुख्यमंत्री देवेंद्र फडणवीस यांच्याकडून मराठा समाजाच्या सर्व मागण्यांना मंजुरी मिळवून द्यावी आणि मंजुरीचे पत्र घेऊन थेट अंतरवाली सराटी येथे यावे. प्रसाद लाड यांच्या सकारात्मक विधानानंतर मनोज जरांगे यांनी मराठा समाजातर्फे मऊ भूमिका घेतली आहे. पुढील रणनीती ठरवण्यासाठी गावागावांत सुरू असलेल्या मराठा समाजाच्या बैठका त्यांनी २३ तारखेपर्यंत स्थगित केल्या आहेत. मात्र, ३० मे रोजी सुरू होणाऱ्या त्यांच्या 'आमरण उपोषणाची' घोषणा अद्याप कायम आहे. सरकार २३ तारखेपर्यंत काय निर्णय घेते, यावर आंदोलनाची पुढील दिशा ठरणार आहे.

 

 

 

मराठा समाजाला घटनात्मक चौकटीत न्याय मिळावा, तसेच समाजातील तरुणांच्या शैक्षणिक आणि नोकरीच्या संधी सुरक्षित व्हाव्यात, या भूमिकेवर भर देत दोन्ही नेत्यांनी संवाद झाला. आरक्षणाच्या प्रश्नावर समाजात तणाव निर्माण होऊ नये, यासाठी संयम आणि शांतता राखण्याचे आवाहनही या चर्चेदरम्यान करण्यात आले.दरम्यान, मनोज जरांगे-पाटील यांनी गेल्या काही दिवसांपासून मराठा आरक्षणाच्या मागणीसाठी आपली भूमिका अधिक आक्रमक केली असून, राज्य सरकारवर तातडीने निर्णय घेण्याचा दबाव वाढवला आहे. विविध ठिकाणी होत असलेल्या बैठका आणि समाजाच्या एकजुटीच्या हालचालींमुळे हा मुद्दा पुन्हा एकदा राज्याच्या राजकारणाच्या केंद्रस्थानी आला आहे.

 

 

प्रसाद लाड यांनीही या Manoj Jarange Patil  भेटीत समाजाच्या भावना शासनापर्यंत पोहोचवण्याची आवश्यकता असल्याचे मत मांडले. सरकारने कायदेशीर चौकटीत राहून ठोस तोडगा काढावा, अशी अपेक्षा या चर्चेत व्यक्त करण्यात आली.मराठा आरक्षणाचा प्रश्न दीर्घकाळापासून प्रलंबित असून, या पार्श्वभूमीवर अशा प्रकारच्या चर्चांना विशेष महत्त्व प्राप्त झाले आहे. समाजातील विविध घटकांमध्ये वाढत असलेली अपेक्षा आणि राजकीय पातळीवरील हालचाली लक्षात घेता, पुढील काही दिवसांत या विषयावर महत्त्वपूर्ण घडामोडी घडण्याची शक्यता वर्तवली जात आहे.