सौंदर्याचं रहस्य लपलंय 'या' ५ पदार्थांत

secret to beauty lies in these 5 foods प्रत्येकालाच त्वचा निरोगी, नितळ आणि नैसर्गिकरीत्या चमकदार दिसावी असे वाटते. मात्र केवळ सौंदर्यप्रसाधने वापरून त्वचेची खरी चमक मिळत नाही. त्वचेचे आरोग्य टिकवण्यासाठी योग्य आहारही तितकाच महत्त्वाचा मानला जातो. तज्ज्ञांच्या मते, रोजच्या आहारात पोषक घटकांचा समावेश केल्यास त्वचेला आतून पोषण मिळते आणि तिचा नैसर्गिक ग्लो वाढण्यास मदत होते. अशाच काही पदार्थांचा नियमित आहारात समावेश केल्यास त्वचा अधिक तजेलदार राहू शकते.

 

 

आवळा हा व्हिटॅमिन सीचा उत्तम स्रोत मानला जातो. तो त्वचेतील कोलेजन निर्मितीला चालना देण्यास मदत करतो, त्यामुळे त्वचेचा घट्टपणा टिकून राहतो आणि सुरकुत्या कमी होण्यास हातभार लागतो. सकाळी रिकाम्या पोटी आवळा किंवा त्याचा रस घेतल्यास शरीरातील विषारी घटक बाहेर टाकण्यास मदत होऊ शकते. बदाम आणि अक्रोड यामध्ये ओमेगा-३ फॅटी अॅसिड आणि व्हिटॅमिन ई मुबलक प्रमाणात असते. रोज ४ ते ५ भिजवलेले बदाम आणि २ अक्रोड खाल्ल्यास त्वचेतील ओलावा टिकून राहण्यास मदत होते. त्यामुळे कोरडेपणा कमी होऊन त्वचा अधिक मऊ आणि तजेलदार दिसू शकते.

 

टोमॅटोमध्ये आढळणारे लायकोपीन हे अँटीऑक्सिडंट त्वचेला सूर्याच्या अतिनील किरणांपासून संरक्षण देण्यास मदत करते. यामुळे टॅनिंग, काळे डाग आणि त्वचेवरील उघडी छिद्रे कमी होण्यास मदत मिळू शकते. त्यामुळे टोमॅटोचा सॅलड, सूप किंवा रस आहारात समाविष्ट करण्याचा सल्ला दिला जातो. गाजर हे बीटा-कॅरोटीन आणि व्हिटॅमिन एचे चांगले स्रोत आहे. हे घटक त्वचेच्या पेशींच्या दुरुस्तीस मदत करतात. गाजराचे नियमित सेवन केल्यास मुरुम आणि पुरळ कमी होण्यास मदत होते तसेच त्वचेवर नैसर्गिक तेज दिसून येऊ शकते.

 

दहीमधील प्रोबायोटिक्स पचनसंस्था निरोगी ठेवण्यास मदत करतात. पचन चांगले राहिल्यास त्वचेवर पुरळ आणि मुरुम येण्याची शक्यता कमी होऊ शकते. रोज एक वाटी ताजे दही खाल्ल्याने त्वचेतील ओलावा टिकून राहण्यास आणि नैसर्गिक चमक वाढण्यास मदत मिळू शकते.