सुरांचा खरा सारथी की-बोर्ड वादक वेंकटस्वामी

Keyboardist Venkataswamy गायक मंचावर आपल्या सुरांनी रसिकांची मने जिंकत असतो. मात्र त्या सादरीकरणामागे शांतपणे उभा राहून सुरांची भक्कम साथ देणाèया वादकाचे योगदान तितकेच महत्त्वाचे असते. गेली तीन दशके आपल्या की-बोर्ड वादनाच्या माध्यमातून हजारो संगीत कार्यक्रमांना सुरेल साथ देत संगीतविश्वात वेगळी ओळख निर्माण करणारे की-बोर्डवादक वेंकट स्वामी हे आजही त्याच समर्पणाने संगीतसेवेत कार्यरत आहेत.

 

 

 

सुमारे 30 वर्षांच्या प्रदीर्घ संगीत कारकिर्दीत वेंकट यांनी भजन, भक्तिगीते, भावगीते, चित्रपटगीते, ऑर्केस्ट्रा, सांस्कृतिक महोत्सव, गायन स्पर्धा तसेच विविध सामाजिक व धार्मिक कार्यक्रमांमध्ये असंख्य गायकांना की-बोर्डची साथ दिली आहे. प्रत्येक गीताचा भाव, लय आणि गायकाची शैली अचूक ओळखून त्यानुसार सुरेल संगत करण्याचे त्यांचे कौशल्य कार्यक्रमाची उंची वाढविणारे ठरले आहे.

संगीत ही त्यांच्यासाठी केवळ कला नसून आयुष्यभराची साधना आहे. नियमित रियाज, शिस्तबद्ध जीवनशैली, वेळेचे काटेकोर पालन आणि नम्र स्वभाव यामुळे त्यांनी संगीत क्षेत्रात विश्वासार्ह सहकारी म्हणून मानाचे स्थान मिळविले आहे. ज्येष्ठ गायकांपासून नवोदित कलाकारांपर्यंत प्रत्येकाला त्यांच्यासोबत मंच सामायिक करण्याचा आनंद आणि आत्मविश्वास लाभतो.

 

 

संगीत क्षेत्रातील उल्लेखनीय योगदानाची दखल घेत विविध सामाजिक, सांस्कृतिक व संगीत संस्थांनी त्यांचा वेळोवेळी गौरव केला आहे. मात्र, पुरस्कार आणि प्रसिद्धीपेक्षा संगीताची सेवा आणि कलाकारांना समर्थ साथ देण्यातच ते खरा आनंद मानतात. आजही ते विविध संगीत कार्यक्रमांत सक्रिय सहभाग घेत नव्या पिढीतील कलाकारांना प्रेरणा देत आहेत. मंचावरील झगमगाटापासून दूर राहूनही प्रत्येक यशस्वी सादरीकरणामागे वादकाचा मोलाचा वाटा असतो. आपल्या तीन दशकांच्या संगीतप्रवासातून वेंकट स्वामी यांनी हेच सिद्ध केले आहे की, खरा कलाकार स्वतःच्या प्रसिद्धीपेक्षा संगीत आणि सहकलाकारांच्या यशाला अधिक महत्त्व देतो. त्यांच्या या निःस्वार्थ संगीतसेवेबद्दल संगीतप्रेमींकडून त्यांचे कौतुक होत आहे.